У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

11 Стд 2018

Эксперт: рэкордна нізкая інфляцыя ў Беларусі - вынік прадуманай грашова-крэдытнай палітыкі Нацбанка

Эксперт: рэкордна нізкая інфляцыя ў Беларусі - вынік прадуманай грашова-крэдытнай палітыкі Нацбанка

11 студзеня, Мінск /Кар. БЕЛТА/. Рэкордна нізкая інфляцыя ў Беларусі - вынік прадуманай грашова-крэдытнай палітыкі Нацыянальнага банка. Такое меркаванне выказаў карэспандэнту БЕЛТА старшы аналітык кампаніі "Альпары" Вадзім Іосуб.

"Па выніках мінулага года мы атрымалі інфляцыю 4,6 працэнта - гэта гістарычны мінімум для нашай краіны. Трэба адзначыць, што інфляцыю ўдалося знізіць дзякуючы ўзважанай і прадуманай грашова-крэдытнай палітыцы Нацыянальнага банка. І ў першую чаргу за кошт таго, што ўжо даволі даўно была спынена работа "друкарскага станка", узяты пад кантроль прырост грашовай масы, запаволілася дырэктыўнае крэдытаванне. Акрамя таго, пастаянная ўвага ўдзялялася таму, каб рост сярэдніх даходаў насельніцтва адпавядаў дынаміцы прадукцыйнасці працы", - растлумачыў эксперт.

Вадзім Іосуб падкрэсліў, што гэтыя меры - класічныя і добра вядомыя, але менавіта іх ажыццяўленне дало магчымасць знізіць інфляцыю.

"Калі гаварыць пра бягучы год, то ў першапачатковым афіцыйным прагнозе прадугледжвалася, што інфляцыя ў 2018-м не перасягне 7 працэнтаў, але па выніку мінулага года была пакінута лічба - не вышэй за 6 працэнтаў. Мне здаецца, што рэальны паказчык будзе знаходзіцца пасярэдзіне, мой прагноз - дыяпазон 6-7 працэнтаў", - адзначыў старшы аналітык кампаніі "Альпары".

Вадзім Іосуб падкрэсліў, што інфляцыя па выніку 2018 года будзе крыху вышэйшая, чым у 2017-м. "Для гэтага ёсць некалькі прычын: па-першае, рост даходаў насельніцтва не толькі ў намінальным, але і ў рэальным выражэнні, які крыху апярэджвае інфляцыю. Па-другое, на цэны будзе аказваць націск актыўнае развіццё спажывецкага крэдытавання. З аднаго боку, гэта добра, таму што сведчыць аб росце эканамічнай актыўнасці, з іншага - крэдытныя грошы і аказваюць націск на цэны. Асобна трэба згадаць і аб тым, што будуць расці цэны, якія ўстанаўліваюцца адміністрацыйна. У першую чаргу размова ідзе аб тарыфах на паслугі ЖКГ і грамадскага транспарту", - расказаў ён.

Як паведамлялася, індэкс спажывецкіх цэн на тавары і паслугі ў снежні 2017 года ў параўнанні са снежнем 2016-га склаў 104,6 працэнта. Гэта рэкордна нізкая інфляцыя для Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс