Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

19 Nov 2015

Дрыга: Нацыянальны цэнтр сучасных мастацтваў Беларусі павінен стаць пляцоўкай для праяўлення маладых талентаў

19 лістапада, Мінск /Кар. БЕЛТА/. Нацыянальны цэнтр сучасных мастацтваў Беларусі павінен стаць пляцоўкай для праяўлення талентаў і здольнасцей творчай моладзі. Такое меркаванне выказала сёння журналістам першы намеснік міністра культуры Ірына Дрыга, перадае карэспандэнт БЕЛТА.

Паводле яе слоў, з'яўленне Нацыянальнага цэнтра сучасных мастацтваў Беларусі - даўно наспелая неабходнасць. І не толькі таму, што такія цэнтры ёсць у іншых краінах, але яшчэ і таму, што Беларусь з'яўляецца адным з роданачальнікаў сусветнага авангарднага мастацтва.

Нацыянальны цэнтр сучасных мастацтваў Беларусі - гэта ўстанова культуры змешанага тыпу, якая прадстаўляе авангарднае мастацтва. Цэнтр будзе займацца не толькі выставачнай, музейнай дзейнасцю, але і прадстаўляць музычную і тэатральную творчасць. Асаблівай функцыяй гэтага цэнтра павінна стаць дэманстрацыя талентаў моладзі, лічыць першы намеснік міністра.

Афіцыйнай датай нараджэння цэнтра з'яўляецца 1 кастрычніка бягучага года, хоць аб'ектыўна цэнтр сучасных мастацтваў працуе ўжо некалькі гадоў. Прыклад таго - прадстаўленне беларускага мастацтва на міжнародных біенале, вулічныя праекты, сярод якіх праект "Арт-астравы".

Усё гэта пацвярджае, што сучаснае беларускае мастацтва знаходзіцца на высокім узроўні развіцця і беларусам ёсць што паказаць. Ірына Дрыга дадала, што ў Беларусі сучаснае мастацтва падтрымліваецца дзяржавай у адрозненне ад іншых краін, дзе існуе прыватная падтрымка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі