У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

3 Кст 2016

Дэлегацыя Беларусі ў Вашынгтоне прадоўжыць кансультацыі з МВФ па новай крэдытнай праграме

Дэлегацыя Беларусі ў Вашынгтоне прадоўжыць кансультацыі з МВФ па новай крэдытнай праграме

3 кастрычніка, Мінск /Уладзімір Мацвееў - БЕЛТА/. Дэлегацыя Беларусі ў Вашынгтоне прадоўжыць кансультацыі з МВФ па новай крэдытнай праграме. Аб гэтым заявіў журналістам старшыня праўлення Нацыянальнага банка Беларусі Павел Калаур па выніках нарады ў кіраўніка дзяржавы па пытаннях узаемадзеяння з МВФ, перадае карэспандэнт БЕЛТА.

"Размова ідзе аб праграме пашыранага фінансавання з боку МВФ у падтрымку тых дзеянняў і намераў, якія па вялікім рахунку ўжо прадугледжаны ў праграме работы ўрада на бліжэйшыя пяць гадоў", - адзначыў Павел Калаур.

Паводле яго слоў, вядуцца перагаворы аб выдзяленні Беларусі $3 млрд прыкладна пад 2,3 працэнта тэрмінам на 10 гадоў. "Усё гэта залежыць ад стану плацежнага балансу краіны і ад тых дамоўленасцей, якія будуць дасягнуты паміж Беларуссю і МВФ", - сказаў старшыня праўлення Нацбанка.

Абмеркаванне на нарадзе будавалася зыходзячы з таго, што шэраг пытанняў у гэтай сферы мае адчувальны характар, падкрэслівалася неабходнасць абароны сацыяльна слабаабароненых слаёў насельніцтва. У першую чаргу гэта датычыцца тарыфаў на ЖКП. "Перагаворны працэс з МВФ якраз максімальна ўлічвае ўсе ўстаноўкі кіраўніка дзяржавы, і дэлегацыя Беларусі літаральна заўтра вылятае на штогадовы сход МВФ, дзе кансультацыі па праграме будуць прадоўжаны", - заявіў Павел Калаур.

Як паведамлялася, на нарадзе Аляксандр Лукашэнка адзначыў, што яму прапануюць падпісаць пісьмо на імя кіраўніка МВФ Крысцін Лагард, якое ідзе ўразрэз з дадзенымі народу абяцаннямі. "Гэта зневажальна не толькі для мяне. Гэта зневажальна ў адносінах да нашага народа", - заявіў беларускі лідар.

Павел Калаур растлумачыў, што ў адпаведнасці з правіламі МВФ, краіна, якая прэтэндуе на атрыманне фінансавання, накіроўвае адпаведнае пісьмо аб намерах. Да яго дадаецца мемарандум аб канкрэтных макраэканамічных дзеяннях. "Безумоўна, з улікам сённяшняй нарады ў кіраўніка дзяржавы і кансультацый у Вашынгтоне, мы дапрацуем гэта пісьмо з улікам непасрэдна інтарэсаў нашай дзяржавы. І пры неабходнасці накіруем яго ў МВФ. Канкрэтнае напаўненне пісьма мы ўзгоднім, непасрэдна правёўшы кансультацыі спачатку ў Вашынгтоне з кіраўніцтвам Міжнароднага валютнага фонду, а потым унутры нашай краіны".

Старшыня праўлення Нацбанка таксама адзначыў, што цяпер місія МВФ завяршыла чарговы этап перагаворнага працэсу. Пасля кансультацый у Вашынгтоне далейшыя кантакты па новай крэдытнай праграме будуць прадоўжаны праз відэаканферэнцыі або чарговыя асабістыя сустрэчы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс