1 снежня, Мінск /Аліна Грышкевіч - БЕЛТА/. Сербія высока ацэньвае ролю Беларусі ў рэгіёне, у тым ліку яе міратворчыя ініцыятывы. Аб гэтым заявіў першы намеснік старшыні ўрада - міністр замежных спраў Сербіі Івіца Дачыч сёння па выніках сустрэчы з міністрам замежных спраў Беларусі Уладзімірам Макеем, перадае карэспандэнт БЕЛТА.
Сербія ў 2015 годзе будзе старшынстваваць у АБСЕ. "Мы прыкладзём вялікія намаганні, каб было добрае супрацоўніцтва з беларускімі ўладамі і каб як мага хутчэй адбылося аднаўленне і ўдасканаленне адносін у поўным сэнсе слова паміж Беларуссю і ЕС і краінамі - членамі АБСЕ", - сказаў Івіца Дачыч.
Ён падкрэсліў, што палітычныя адносіны паміж Беларуссю і Сербіяй складаюцца вельмі добра. У прыватнасці, наладжаны добры абмен візітамі, у тым ліку на вышэйшым узроўні. Не стаў выключэннем у гэтым плане і бягучы год - год 20-годдзя ўсталявання беларуска-сербскіх дыпадносін.
Сербскі міністр падзякаваў Беларусі за прынцыповую пазіцыю па пытанні тэрытарыяльнай цэласнасці Сербіі, а таксама за дапамогу Сербіі ў ліквідацыі наступстваў паводкі ў маі гэтага года.
Пн | Аўт | Сер | Чцв | Пт | Сб | Нядз |
---|