Прамовы і інтэрв’ю

28 лістапада, Мінск /Кар. БЕЛТА/. Намеснік генеральнага сакратара Цэнтральна-Еўрапейскай ініцыятывы Эрык Чарновіц сёння, размаўляючы з журналістамі на палях пасяджэння Парламенцкай асамблеі ЦЕІ ў Мінску, адзначыў важнасць беларускага старшынства ў арганізацыі, перадае карэспандэнт БЕЛТА.

Эрык Чарновіц адзначыў, што для Беларусі старшынства ў ЦЕІ ў 2017 годзе першае і яно вельмі важнае. Ён выказаў удзячнасць беларускаму боку за праведзеную работу.

Дэвіз беларускага старшынства "Пашырэнне сумяшчальнасці ў Вялікай Еўропе" ў поўнай меры адпавядае асноўным мэтам ЦЕІ, у ліку якіх, як падкрэсліў Эрык Чарновіц, мэта служыць своеасаблівым мостам паміж макрарэгіёнамі, краіны якіх уваходзяць у арганізацыю. Усяго іх 18. На пасяджэнне ПА ЦЕІ ў Мінск прыехалі прадстаўнікі большасці з іх, у тым ліку Албаніі, Балгарыі, Венгрыі, Румыніі, Польшчы, Аўстрыі, Славеніі і Украіны.

Агульная тэматыка пасяджэння Парламенцкай асамблеі ЦЕІ ў Мінску - лічбавыя тэхналогіі ва ўмовах забеспячэння геапалітычнай бяспекі. На мерапрыемства запрошаны дэпутаты Палаты прадстаўнікоў, вучоныя, прадстаўнікі рэальнага сектара эканомікі, уключаючы кіраўнікоў вядучых інавацыйных і высокатэхналагічных прадпрыемстваў. Абмяркоўваюцца пытанні развіцця лічбавай эканомікі ў аспекце інфармацыйнай бяспекі, лічбавых банкаўскіх тэхналогій, прыняцця заканадаўчых, арганізацыйных і іншых мер па падтрымцы стварэння IT-прадуктаў, тэхналогій беспілотнага ваджэння, штучнага інтэлекту, біятэхналогій.