У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

13 Ліп 2016

Беларускія медыкі правялі ўнікальную аперацыю ў галіне анкалогіі з выкарыстаннем біяклетачных тэхналогій

Беларускія медыкі правялі ўнікальную аперацыю ў галіне анкалогіі з выкарыстаннем біяклетачных тэхналогій

13 ліпеня, Мінск /Кар. БЕЛТА/. Беларускія медыкі правялі ўнікальную аперацыю - пратэзаванне трахеі з выкарыстаннем тканкаінжынернага пратэза, паведаміў журналістам дырэктар Рэспубліканскага навукова-практычнага цэнтра анкалогіі і медыцынскай радыялогіі імя М.М. Аляксандрава Алег Суконка, перадае карэспандэнт БЕЛТА.

Алег Суконка растлумачыў, што адной з нявырашаных праблем сучаснай медыцыны з'яўляецца лячэнне пацыентаў з захворваннямі трахеі, яе біфуркацыі (раздзяленне трубчастага органа на дзве часткі аднолькавага калібру, якія адыходзяць у бакі пад аднолькавымі вугламі. - Заўвага БЕЛТА), а таксама захворваннямі галоўных бронхаў, што суправаджаюцца звужэннем іх прасвету. Такое бывае, у прыватнасці, пры распаўсюджаным пухлінным пашкоджанні. У большасці выпадкаў адзіны патэнцыяльна вылечвальны метад лячэння - хірургічны. Існуючыя сёння ў свеце падыходы да пратэзавання трахеі звязаны з высокімі рызыкамі развіцця тых ці іншых ускладненняў і, як вынік, смерці пацыента. Па гэтым пытанні вядуцца актыўныя даследаванні і дыскусіі па ўсім свеце, такія ўмяшанні выконваліся ў вядучых сусветных цэнтрах Расіі, Іспаніі, Бельгіі, Англіі, ЗША. Аднак гэтыя спробы нельга назваць паспяховымі, а канчатковага рашэння ў пытанні пратэзавання трахеі на сёння няма.

Беларускія медыкі правялі ўнікальную аперацыю ў галіне анкалогіі з выкарыстаннем біяклетачных тэхналогійНа думку беларускіх вучоных, найбольш перспектыўным напрамкам з'яўляецца выкарыстанне пратэзаў на аснове донарскай трахеі, заселенай уласнымі клеткамі рэцыпіента. Новы метад паспяхова прымянілі ў лячэнні 65-гадовага мужчыны, у якога быў выяўлены рак верхняй долі правага лёгкага з прарастаннем пухліны на вялікім участку ў трахею. Прасвет трахеі звузіўся да 3-4 мм - гэта крытычнае звужэнне, калі пацыент ужо не мог нармальна дыхаць. Смерць, як правіла, у такіх выпадках надыходзіць ноччу, паколькі дрэнажная функцыя органа парушаецца. Пацыенту патрэбна была аперацыя з выдаленнем пашкоджаных участка трахеі і долі лёгкага, аднак узнікла праблема - чым замясціць выдалены ўчастак трахеі.

Загадчык хірургічнага аддзела РНПЦ анкалогіі і медыцынскай радыялогіі імя М.М. Аляксандрава прафесар Уладзімір Жаркоў прапанаваў новы метад. Яго сутнасць заключаецца ў наступным: у донара бярэцца трахея і адмываецца ад клетачных элементаў. Гэта своеасаблівая матрыца імплантуецца ў мышцу рэцыпіента. Пасля прарастання матрыцы сасудамі адбываецца яе засяленне стваловымі клеткамі. Дэталі методыкі спецыялісты не сталі раскрываць, паколькі цяпер разглядаюцца заяўкі на атрыманне патэнта на вынаходства.

Беларускія медыкі правялі ўнікальную аперацыю ў галіне анкалогіі з выкарыстаннем біяклетачных тэхналогійЧаканая працягласць жыцця ў пацыента да аперацыі была не большая за два-тры месяцы. Пасля хірургічнага ўмяшання ўжо прайшло больш за тры месяцы. Паводле слоў таракальнага хірурга РНПЦ Яўгена Дзямідчыка, у пасляаперацыйным перыядзе пацыент адчуваў сябе здавальняюча і быў выпісаны на 14-я суткі без ускладненняў. Нейкіх даных аб прагрэсіраванні і рэцыдыве захворвання за перыяд назірання не выяўлена.

Спецыялісты сыходзяцца на думцы, што на сёння новая методыка - прарыў у таракальнай хірургіі і анкалогіі. Цяпер вядуцца дадатковыя даследаванні, накіраваныя на паляпшэнне методыкі стварэння і імплантацыі тканкаінжынернага пратэза, што дасць магчымасць у будучым скараціць час падрыхтоўкі трансплантата. Да правядзення такой аперацыі рыхтуюцца два пацыенты.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс