Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

13 Сак 2020

Беларусь падышла да вясенніх палявых работ добра падрыхтаванай - Румас

Беларусь падышла да вясенніх палявых работ добра падрыхтаванай - Румас

13 сакавіка, Жыткавічы /Кар. БЕЛТА/. Уся рэспубліка падышла да вясенніх палявых работ у бягучым годзе як ніколі добра падрыхтаванай. На гэтым зрабіў акцэнт сёння прэм'ер-міністр Беларусі Сяргей Румас, прымаючы ўдзел у пасяджэнні Жыткавіцкага райвыканкама, перадае карэспандэнт БЕЛТА.

Сяргей Румас адзначыў, што ўрад, Мінсельгасхарч прынялі ўсе неабходныя рашэнні, якія даюць магчымасць закупіць патрэбныя аб'ёмы гаруча-змазачных матэрыялаў (ГЗМ), запчастак, мінеральных угнаенняў, сродкаў аховы раслін і забяспечыць своечасовую гатоўнасць машынна-трактарнага парку і яго эфектыўнае выкарыстанне.

У той жа час, звярнуў увагу кіраўнік урада, неардынарна складваецца пачатак гэтага года для аграрыяў з пункту гледжання ўмоў для эфектыўнага земляробства. Адзначаюцца перапады тэмпературы, няхватка вільгаці, іншыя праблемы. "Усе гэтыя фактары патрабуюць вельмі ўважлівага вывучэння і прыняцця аптымальных рашэнняў для атрымання належнай аддачы ад зямлі", - падкрэсліў прэм'ер-міністр.

Ён адзначыў станоўчыя вынікі работы Жыткавіцкага раёна. Па выніках мінулага года раён знаходзіцца на добрых пазіцыях у вобласці, па некаторых аспектах - у лідарах. Аднак рэзерваў для росту, у першую чаргу дзяржпрадпрыемстваў, яшчэ вельмі шмат, упэўнены Сяргей Румас. І ў гэтым плане адказнасць ляжыць як на кіраўніках канкрэтных арганізацый, так і на работніках.

Прэм'ер-міністр звярнуў увагу: для раёна, асноўнай галіной якога з'яўляецца сельская гаспадарка, тэма падрыхтоўкі да пасяўной кампаніі вельмі важная. Ён пацікавіўся ступенню гатоўнасці раёна ў параўнанні з мінулым годам, а таксама пытаннямі, якія неабходна вырашыць, каб правесці сяўбу якасна і ў тэрмін. Першы намеснік старшыні райвыканкама Мікалай П'яўко запэўніў: усё неабходнае для паспяховага правядзення пасяўной ёсць. Адрамантаваны агрэгаты, абноўлены парк тэхнікі. Вялікі зачын па мінеральных угнаеннях, насенні. У гэтым годзе ў раёне маюць намер сабраць больш за 51,6 тыс. т збожжа, улічваючы кукурузу. Пад збожжавыя і зернебабовыя з улікам азімых адведзена звыш 16,7 тыс. га. Плануецца, што ўраджайнасць складзе 32 ц/га.

"У Жыткавіцкім раёне ёсць перадумовы для паспяховага развіцця не толькі АПК, але і прамысловасці, малога і сярэдняга бізнесу", - перакананы Сяргей Румас. Развіццё гэтых сектараў, на яго думку, залежыць як ад саміх суб'ектаў, так і ад ініцыятыўнасці і настойлівасці мясцовых органаў улады. Прэм'ер-міністр нагадаў: урад унёс на разгляд Прэзідэнта праект указа, які дасць магчымасць стымуляваць персанал, кіраўнікоў выканкамаў за паспяховае развіццё прадпрымальніцтва ў раёнах.

Яшчэ адна тэма, на якой зрабіў асаблівы акцэнт прэм'ер-міністр, - 75-годдзе Вялікай Перамогі. "Мы павінны акружыць клопатам і ўвагай кожнага ветэрана. Знайсці магчымасць аказаць ім дапамогу ў жыццёвых пытаннях, гаспадарчых, мы проста абавязаны", - падкрэсліў ён.

У час рабочай паездкі прэм'ер-міністру далажылі і аб выкананні даручэння Прэзідэнта па рэалізацыі інвестыцыйнага праекта "Будаўніцтва цэха па вытворчасці паліўных гранул (пелет)" у Жыткавіцкім лясгасе. У ААТ "Сатурн-1" кіраўнік урада азнаёміўся з развіццём экспартна арыентаванай вытворчасці вузлоў, агрэгатаў, дэталей і камплектуючых для чыгуначнага рухомага саставу.

На Тураўскім малочным камбінаце абмеркавалі будаўніцтва малочнатаварнай фермы на 2,4 тыс. галоў дойнага статка паблізу населенага пункта Дзякавічы Жыткавіцкага раёна, развіццё на камбінаце імпартазамяшчальнай і экспартна арыентаванай вытворчасці малочнай прадукцыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі