Прамовы і інтэрв’ю

Беларусь і ЗША маюць шмат галін для супрацоўніцтва, у якіх іх інтарэсы супадаюць - Краўчанка

Алег Краўчанка

20 ліпеня, Мінск /Аліна Грышкевіч - БЕЛТА/. Беларусь і ЗША маюць шмат галін для супрацоўніцтва, у якіх іх інтарэсы супадаюць. Гэта сказаў журналістам, адказваючы на пытанне карэспандэнта БЕЛТА, Алег Краўчанка, які сёння назначаны на пасаду Надзвычайнага і Паўнамоцнага Пасла Беларусі ў ЗША.

"Сярод галін, у якіх нашы інтарэсы супадаюць, у першую чаргу ўзаемадзеянне ў галіне прыцягнення фінансавых рэсурсаў, эканамічны і энергетычны дыялог, міжнародная бяспека, супрацоўніцтва праваахоўных органаў", - падкрэсліў Алег Краўчанка.

"Тое, што мы належым да розных ваенна-палітычных блокаў, не выключае, а хутчэй вызначае неабходнасць кантактаў паміж ваеннымі", - упэўнены пасол.

Пры гэтым ён адзначыў: "Безумоўна, мы пагаджаемся не ва ўсім, таму важным элементам нашых двухбаковых адносін застанецца дыялог па тых пытаннях, у якіх нашы пазіцыі пакуль адрозніваюцца".

"Мне хацелася б, каб мы дасягнулі такога ўзроўню нармалізацыі нашых адносін, якія можна было б ацаніць як устойлівыя", - сказаў на заканчэнне Алег Краўчанка.

версія для друку

зрабіць стартавай

дабавіць у выбранае