У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

30 Кст 2016

Беларусь і Катар могуць працаваць разам у многіх сферах

Беларусь і Катар могуць працаваць разам у многіх сферах

31 кастрычніка, Доха /Уладзімір Мацвееў - БЕЛТА/. Катар і Беларусь могуць працаваць разам у многіх сферах. Такое меркаванне ў інтэрв'ю журналістам выказаў вядомы ў Катары бізнесмен, грамадскі і навуковы дзеяч доктар Халід Мухамад аль-Алі, паведамляе карэспандэнт БЕЛТА.

"Я рады прыезду дэлегацыі з Беларусі і магчымасці вывучыць напрамкі для развіцця супрацоўніцтва. Мне, як прадстаўніку бізнесу, вельмі цікава сачыць за гэтымі мерапрыемствамі тут у Катары. Існуе шмат сфер, у якіх Беларусь і Катар могуць разам працаваць, што будзе садзейнічаць росту эканомік абедзвюх краін", - сказаў бізнесмен.

Ён адзначыў, што ў Беларусі існуе вельмі празрыстая палітыка ў галіне падаткаабкладання. "Гэта вельмі важна і прывабна для замежнага бізнесу. Таксама як і падтрымка развіцця пэўных сектараў эканомікі. І, больш таго, фантастычныя сістэмы адукацыі і аховы здароўя. Людзі ў вашай краіне маюць даволі добры ўзровень адукацыі. Усё гэта ў тым ліку стварае ў нашым разуменні добры бізнес-клімат", - лічыць доктар Халід Мухамад аль-Алі.

Паводле яго слоў, усё больш узрастае інтарэс да развіцця адносін паміж Беларуссю і Катарам. "У гэтым выпадку я не гавару ад імя ўрада. Я - прадстаўнік бізнесу. Але з боку мне відаць, што двухбаковыя адносіны знаходзяцца ў высокай кропцы развіцця. А калі гэта так, то працвітае і сумесны бізнес. Гэта добры час для таго, каб прадпрыемствы і бізнес выходзілі з інвестыцыямі і развівалі ўзаемадзеянне", - заявіў катарскі бізнесмен.

"Я чуў шмат добрага аб Беларусі і яе людзях ад маіх партнёраў і сяброў, і яны гавораць мне, каб я абавязкова туды з'ездзіў", - дадаў ён.

Адказваючы на пытанне аб перспектывах развіцця яго бізнесу ў Беларусі, доктар Халід Мухамад аль-Алі заявіў аб зацікаўленасці адкрыць прадстаўніцтва ўзначальваемай ім кампаніі Senseta, якая працуе ў сферы ІТ і высокіх тэхналогій. "Мы зацікаўлены ў рабоце з Беларуссю ў сферы тэхналогій у цэлым. Мы ўжо маем вопыт рэалізацыі такіх праектаў, напрыклад, у Паўднёвай Амерыцы, - заявіў ён. - Пры гэтым прадстаўніцтва будзе мець больш шырокае напаўненне і задачы, чым проста работа ў сферы ІТ і тэхналогій. Яно ў большай меры бачыцца як акно для развіцця супрацоўніцтва з Беларуссю, пашырэння гандлёвых адносін паміж дзвюма краінамі. Гэта таксама ўяўляе для нас адзін з галоўных інтарэсаў. Нашы краіны могуць шмат прапанаваць адна адной".

Бізнесмен расказаў, што яго кампанія з'яўляецца інтэрнацыянальнай і спецыялізуецца на аналізе вялікіх аб'ёмаў інфармацыі, прадастаўляе паслугі прагназавання пры прыняцці важных бізнес-рашэнняў. Сярод кліентаў кампаніі агенцтва нацыянальнай бяспекі, буйныя арганізацыі тэлекамунікацыйнага, фінансавага сектараў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс