Прамовы і інтэрв’ю
Аляксандр Валовіч: Будаўніцтва арэнднага жылля з'яўляецца рэсурсам для мабільнасці рабочай сілы
6 мая, Мінск /Кар. БЕЛТА/. Будаўніцтва арэнднага жылля з'яўляецца рэсурсам для мабільнасці рабочай сілы. Такое меркаванне выказаў карэспандэнту БЕЛТА намеснік старшыні камітэта па архітэктуры і будаўніцтву Мінаблвыканкама - галоўны архітэктар Мінскай вобласці Аляксандр Валовіч.
"Патрэбнасць у будаўніцтве арэнднага жылля даўно наспела. Гэта дасць магчымасць нашым людзям адчуваць свабоду ў выбары месца работы, стане рэсурсам для руху рабочай сілы, - адзначыў Аляксандр Валовіч. - У Мінскай вобласці будаўніцтва арэндных дамоў пачнецца з буйных гарадоў - Маладзечна, Барысава, Слуцка, Салігорска. У перспектыве пяройдзем на Мінскі раён, Жодзіна. У асноўным гэта будуць 1,2-пакаёвыя кватэры, упор робіцца на мінімізацыю плошчаў".
Паводле слоў галоўнага архітэктара сталічнай вобласці, фарміраванне рынку арэнднага жылля станоўча паўплывае на замацаванні маладых спецыялістаў пасля адпрацоўкі па спецыяльнасці. "Сёння ложка-месца ў інтэрнаце не можа задаволіць маладога спецыяліста. Трэба будаваць арэнднае жыллё, прадаставіць стартавыя магчымасці для стварэння сям'і, - сказаў ён. - Калі і самі прадпрыемствы падключацца да стварэння спрыяльных умоў жыцця, забяспечаць маладых спецыялістаў дастойнай заработнай платай, то сітуацыя намнога палепшыцца".
Аляксандр Валовіч таксама адзначыў, што для дзяржавы будаўніцтва арэнднага жылля з'яўляецца вялікай падмогай для вырашэння праблемы нелегальнай арэнды жылля ў прыватных асоб - уласнікаў кватэр.
У цэнтральным рэгіёне краіны ў бягучым годзе плануецца ўвесці ў эксплуатацыю 1,4 млн.кв.м жылля, з іх 500 тыс.кв.м будзе пабудавана з падтрымкай дзяржавы, гэта значыць з выкарыстаннем ільготных крэдытных рэсурсаў.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
