У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

2 Крс 2014

Аляксандр Міта: Віцебск з'яўляецца радзімай галоўнага павароту ў мастацтве ХХ стагоддзя

Аляксандр Міта: Віцебск з'яўляецца радзімай галоўнага павароту ў мастацтве ХХ стагоддзя

2 красавіка, Віцебск /Алена Ціханава - БЕЛТА/. Віцебск з'яўляецца радзімай галоўнага павароту ў мастацтве ХХ стагоддзя. Такое меркаванне выказаў 2 красавіка ў Віцебску журналістам расійскі рэжысёр Аляксандр Міта перад закрытым паказам фільма "Шагал - Малевіч", перадае карэспандэнт БЕЛТА.

Аляксандр Міта падкрэсліў, што Віцебск - гэта не толькі радзіма Шагала. "Выдатны мастак у сваёй школе даў прытулак усім вярхам рускага авангарда. І Лісіцкі, і Ермалаева, і Казімір Малевіч (вялікі геній сусветнага жывапісу, якому ў карціне пакланіліся) былі ў гэты час у Віцебску. Віцебск як радзіму Шагала выдатна ведае ўвесь свет, але Віцебск - гэта і месца, дзе Малевіч сфармуляваў усе галоўныя палажэнні свайго вучэння аб супрэматызме, якія стаў пачаткам абстрактнага мастацтва. Віцебск - гэта радзіма галоўнага павароту ў мастацтве ХХ стагоддзя", - сказаў рэжысёр.

Аляксандр Міта падкрэсліў, што менавіта Малевічу мы абавязаны сучаснымі сілуэтамі будынкаў. "Ён адвёў убок грэчаскія калоны і ўстанавіў стыль небаскробаў. І гэта вельмі паважаюць ва ўсім свеце. Японскія архітэктары пабудавалі горад, дзе дамы створаны з эскізаў Малевіча. Ён - адзін з кіраўнікоў мастацкага руху, мастацкай думкі ХХ стагоддзя", - сказаў рэжысёр.

Два мастакі, вобразы якіх створаны ў карціне, абсалютна розныя. "У іх розныя палі. Ніхто не скажа, што ён любіць Малевіча. Рэвалюцыянераў не любяць - імі захапляюцца. А Шагал увесь ад кончыкаў валасоў да зямлі створаны для любові. Яго любяць усе. У свеце няма краіны, дзе ў мастацкім магазіне не было б рэпрадукцый Шагала. Ён усюды - у гасцініцах, у офісах, у кватэрах. Ён неймаверна і разнастайна любімы. І кожны раз у кожнай графіцы і кожнай карціне ёсць маленькае згадванне пра Віцебск. Ён любіць Віцебск, і цяпер Віцебск па ўсёй зямлі. Мы рады, што таксама далучыліся да гэтай віцебскай любові і нешта зрабілі, каб Віцебск атрымаў яшчэ больш славы", - падзяліўся думкамі і эмоцыямі рэжысёр.

Успамінаючы здымачны працэс у Віцебску, ён падкрэсліў, што гэта была самаадданая і душэўная праца. "Вяртаюся ў Віцебск як на сваю другую радзіму з цеплынёй і ўдзячнасцю", - сказаў рэжысёр.

Перадпрэм'ерны паказ поўнаметражнай стужкі "Шагал - Малевіч" прайшоў у Маскве 31 сакавіка. У Беларусі фільм будзе прадэманстраваны пад патранатам Міністэрства культуры ў 17 кінатэатрах розных гарадоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску