Прамовы і інтэрв’ю

4 красавіка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка не робіць ніводнага кроку без узгаднення з Масквой, калі размова ідзе аб Расіі. Аб гэтым ён заявіў сёння на сустрэчы з губернатарам Калужскай вобласці Анатолем Артамонавым, перадае карэспандэнт БЕЛТА.

Прэзідэнт адзначыў, што за апошні час з'явілася вельмі шмат домыслаў і інсінуацый. "Нібыта Лукашэнка спрабуе выкарыстоўваць праблемы, якія ўзніклі ў Расіі, на сваю карысць. Ведаеце, ідыётам быў бы той, хто не выкарыстоўвае нейкія магчымасці. Але запомніце: што б я ні рабіў цяпер, размаўляючы з Украінай, Захадам, Усходам і г.д., я ніводнага кроку не раблю без узгаднення з кіраўніцтвам Расійскай Федэрацыі, калі пытанне датычыцца Расіі", - сказаў кіраўнік беларускай дзяржавы.

"Таму даю на гэта пытанне адкрыты і дакладны адказ: калі трэба будзе Расіі, каб мы за яе працавалі ва Украіне, мы гэта будзем рабіць. Калі трэба будзе Расіі, каб мы ехалі за край свету і карысць ёй прыносілі, мы гэта будзем рабіць", - падкрэсліў беларускі лідар.

Аляксандр Лукашэнка растлумачыў, што, па-першае, гэта "ў інтарэсах нашага роднага брата", і, па-другое, - у інтарэсах Беларусі, гэта не супярэчыць нашым інтарэсам. "Таму ўсялякія інсінуацыі і домыслы павінны быць выключаны", - дадаў Прэзідэнт.