Прамовы і інтэрв’ю

18 красавіка, Клайпеда /Ганна Кот - БЕЛТА/. Літва гатова дапамагчы Беларусі на шляху абнаўлення адносін з Еўрасаюзам. Аб гэтым заявіў сёння на Беларуска-літоўскім эканамічным форуме ў Клайпедзе прэм'ер-міністр Літвы Альгірдас Буткявічус, перадае карэспандэнт БЕЛТА.

"Беларусь мае патэнцыял развіцця ў адносінах з ЕС", - падкрэсліў літоўскі прэм'ер-міністр. Літва прывабная для Беларусі як вароты Еўрапейскага саюза, лічыць ён. А літоўскае старшынства ў ЕС з'яўляецца добрай магчымасцю для абнаўлення адносін ЕС і Беларусі. "Літва гатова дапамагчы Беларусі ісці па гэтым шляху", - дадаў Альгірдас Буткявічус.