VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Врс 2019

"Абсалютна ўсё змянілася" - Лукашэнка параўнаў сучасны Брэст з горадам часоў сваёй маладосці


6 верасня, Брэст /Кар. БЕЛТА/. Прэзідэнт Беларусі Аляксандр Лукашэнка сёння ў час размовы з працоўнымі калектывамі будаўнічых арганізацый, якія ўдзельнічаюць ва ўзвядзенні Заходняга абходу Брэста, параўнаў сучасны абласны цэнтр з горадам часоў сваёй маладосці, перадае карэспандэнт БЕЛТА.

"Ён змяніўся. Брэст стаў сучасным. Зусім іншы горад, нават граніца, дзе я служыў, зусім іншая стала - дагледжаная, прыгожая, - сказаў Аляксандр Лукашэнка. - Усё змянілася, абсалютна ўсё". У савецкія гады, паводле яго слоў, горадам можна было назваць толькі яго цэнтр і некаторыя раёны.

Кіраўнік дзяржавы прызнаўся, што ў свой час яму было шкада, што Брэсту разам з Магілёвам удзялялася мала ўвагі. "У нас прыгожыя Гомель, Мінск - цэнтральныя гарады, Віцебск - там "Славянскі базар" заўсёды праходзіць. Полацк у нас добры горад, маленькі гарадок Тураў - мы падцягвалі гістарычныя мясціны. Шмат зрабілі ў вёсцы. Аграгарадкі, раённыя цэнтры, пасёлкі гарадскога тыпу - усё трэба было паднімаць і развіваць. Але, самае непрыемнае, Брэст і Магілёў адсталі больш за ўсё", - канстатаваў Прэзідэнт.

Тысячагадовы юбілей, адзначыў ён, стаў удачнай падставай прывесці Брэст у парадак і добраўпарадкаваць яго. "Вядома, вы зрабілі вельмі шмат. Я зверху гэта бачу: шмат разоў аблятаў, калі вы будавалі, чысцілі горад", - дадаў Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход