Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

28 Nov 2014

XIII Міжнародны фестываль народнай творчасці "Вянок дружбы" пройдзе 25-29 чэрвеня 2015 года

28 лістапада, Мінск /Кар. БЕЛТА/. XIII Міжнародны фестываль народнай творчасці "Вянок дружбы" пройдзе з 25 па 29 чэрвеня 2015 года ў горадзе Бабруйску Магілёўскай вобласці. Аб гэтым паведамілі БЕЛТА ў Міністэрстве культуры Беларусі.

Міжнародны фестываль народнай творчасці "Вянок дружбы" накіраваны на развіццё і ўмацаванне міжнародных культурных сувязей, папулярызацыю народнай творчасці і традыцый. У 2015 годзе фестываль пройдзе пад дэвізам "Фестываль дружбы - за мір і згоду без межаў".

За дванаццацігадовую гісторыю ўдзельнікамі фестывалю сталі творчыя калектывы з Аўстрыі, Азербайджана, Арменіі, Бельгіі, Балгарыі, Босніі і Герцагавіны, Венесуэлы, Ганы, Германіі, Грузіі, Іспаніі, Ізраіля, Індыі, Ірана, Казахстана, Кыргызстана, Кітая, Латвіі, Літвы, Малдовы, Нідэрландаў, Польшчы, Расіі, Румыніі, Сербіі, Славакіі, Турцыі, Украіны, Францыі, Чарнагорыі, Швецыі і Эстоніі.

Да ўдзелу ў фестывалі запрашаюцца творчыя калектывы, у рэпертуары якіх адлюстраваны нацыянальныя культурныя традыцыі краiны.

Выступленні на фестывалі не маюць конкурснага характару і праходзяць пад дэвізам роўнай значнасці і мастацкай каштоўнасці яго ўдзельнікаў, нацыянальных культур і традыцый. Згодна з праграмай фестывалю калектывы прымуць удзел ва ўрачыстым адкрыцці і закрыцці фестывалю, у святочным тэатралізаваным шэсці па вуліцах горада, у канцэртах і творчых сустрэчах на прадпрыемствах горада і ў аграгарадках, у выстаўцы-прэзентацыі нацыянальнага сувеніра, выстаўцы-конкурсе "Вянок, як сімвал фестывалю - у падарунак фестывалю", у вечары дружбы з прэзентацыяй нацыянальных пачастункаў. Удзельнікі фестывалю азнаёмяцца з гісторыяй горада і наведаюць Бабруйскі краязнаўчы музей і Бабруйскі мастацкі музей.

Фестываль арганізуюць і праводзяць Магілёўскі абласны, Бабруйскі гарадскі выканаўчыя камітэты сумесна з Міністэрствам культуры Беларусі і Цэнтральным камітэтам Беларускага прафсаюза работнікаў культуры.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі