У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

7 Ліп 2014

Выстаўку "Дзесяць стагоддзяў мастацтва Беларусі" ўбачылі амаль 24 тыс. чалавек

7 ліпеня, Мінск /Кар. БЕЛТА/. Выстаўку "Дзесяць стагоддзяў мастацтва Беларусі", якая праходзіць у Нацыянальным мастацкім музеі з 27 сакавіка, убачылі каля 24 тыс. наведвальнікаў. Аб гэтым на ўрачыстым закрыцці экспазіцыі паведаміў генеральны дырэктар музея Уладзімір Пракапцоў, перадае карэспандэнт БЕЛТА.

Паводле даных на 7 ліпеня, білеты на выстаўку купілі 13 960 гасцей. Яшчэ 10 тыс. азнаёміліся з ёю ў час акцыі "Ноч музеяў". З першага дня работы ў музеі праведзена 320 экскурсій, а ў кнізе водгукаў пакінута 703 запісы. Да выстаўкі навуковыя супрацоўнікі музея распрацавалі каталог (папяровая і электронная версіі) і аўдыягід на трох мовах - рускай, беларускай і англійскай. У час работы экспазіцыі быў прададзены 51 папяровы каталог, 243 каталогі ў электроннай версіі і 531 аўдыягід. Супрацоўнікі музея таксама ўзялі ў эксплуатацыю спецыяльную мабільную версію сайта - сістэму QR-кодаў, якая дае магчымасць з дапамогай мабільнага тэлефона счытваць інфармацыю аб творы. У час экспазіцыі наведвальнікі змаглі ўбачыць пяць канцэртаў і пабываць на чатырох лекцыях на тэму "Мастацкія аб'яднанні Беларусі".

Паводле слоў Уладзіміра Пракапцова, правядзенне экспазіцыі "Дзесяць стагоддзяў мастацтва Беларусі" стала для музея сапраўдным майстар-класам. "Гэта знакавы праект не толькі года, але і дзесяцігоддзя, які даў нам магчымасць вярнуцца да сваіх каранёў", - адзначыў ён. Выставачны праект ацанілі не толькі ў Беларусі - экспазіцыю хочуць бачыць у сябе музейшчыкі Кітая і Польшчы.

Убачыць лепшыя творы нацыянальнага мастацтва жадаючыя яшчэ змогуць да 10 ліпеня. Упершыню ў адной выставачнай прасторы прадстаўлена каля 500 прадметаў з часоў Візантыі да сучаснасці з 29 музеяў рэспублікі, карпаратыўных фондаў і прыватных калекцый.

Жамчужынамі экспазіцыі сталі творы мастакоў з сусветнымі імёнамі, чыя творчасць да гэтага часу не была прадстаўлена ў Беларусі. Упершыню мінчанам паказваюць карціну Хаіма Суціна "Ева" (1928) - самы дарагі экспанат. Палатно было куплена на аўкцыёне Sotheby's у Нью-Ёрку за $1 млн 860 тыс. Таксама наведвальнікі ўпершыню змогуць паглядзець кнігу Сімяона Полацкага "Жазло праўлення" 1667 выдання, карціны Марка Шагала, створаныя ў перыяд росквіту творчасці вялікага мастака, а таксама работу Валенція Ваньковіча "Партрэт паэта Томаша Зана".

Арганізатары праекта - ААТ "Белгазпрамбанк" сумесна з ААТ "Газпрам трансгаз Беларусь", Міністэрствам культуры і Нацыянальным мастацкім музеем Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску