У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Май 2013

Выстаўка фатаграфій і дакументаў "Спаленыя вёскі. Памятныя мясціны ў Беларусі" праходзіць у Берліне

9 мая, Мінск /Кар. БЕЛТА/. Выстаўка фатаграфій і дакументаў "Спаленыя вёскі. Памятныя мясціны ў Беларусі" адкрылася ў Расійскім доме навукі і культуры ў Берліне, паведамілі БЕЛТА ў Міністэрстве замежных спраў Беларусі.

Мерапрыемства прымеркавана да 70-годдзя хатынскай трагедыі. Экспазіцыя падрыхтавана пасольствам Беларусі ў Германіі сумесна з дэпартаментам па архівах і справаводству Міністэрства юстыцыі Беларусі на аснове матэрыялаў, прадстаўленых Нацыянальным архівам і Беларускім дзяржаўным архівам кінафотафонадакументаў.

Выстаўка ўключае 25 фатаграфій розных гадоў, якія адлюстроўваюць ушанаванне ў Беларусі памяці мірных жыхароў - ахвяр нямецка-фашысцкіх захопнікаў, і больш як 20 копій унікальных дакументальных сведчанняў злачынстваў, учыненых акупантамі на тэрыторыі Беларусі ў гады Вялікай Айчыннай вайны.

Удзел у мерапрыемстве прынялі паслы Беларусі і Расіі ў Германіі, прадстаўнікі дыпмісій іншых краін СНД, прадстаўнікі Міністэрства замежных спраў Германіі, прэзідэнт германскага Народнага саюза па догляду ваенных магіл Райнхард Фюрэр, прадстаўнікі ўстаноў культуры і грамадскіх арганізацый.

У сваім выступленні пасол Беларусі ў Германіі Андрэй Гіро падкрэсліў важнасць захавання памяці пра трагічныя падзеі Другой сусветнай вайны і недапушчэнні скажэння гістарычнай праўды.

Удзельнікам мерапрыемства былі паказаны два фрагменты тэлерэпартажу з цырымоніі адкрыцця мемарыяльнага комплексу "Хатынь" у 1969 годзе, у тым ліку зварот сведкі хатынскай трагедыі Іосіфа Камінскага. Піяністка Маргарыта Брындзіна выступіла з праграмай "Песні ваенных гадоў".

Выстаўка фатаграфій і дакументаў "Спаленыя вёскі. Памятныя мясціны ў Беларусі" будзе працаваць да 7 чэрвеня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску