Падзеі, факты, анонсы

Выстаўка беларускіх мастакоў Ірыны Даманавай і Марыны Мароз адкрылася ў Парыжы

26 лютага, Парыж /Аліна Грышкевіч - БЕЛТА/. Выстаўка маладых беларускіх мастакоў Ірыны Даманавай і Марыны Мароз 25 лютага адкрылася ў пасольстве Беларусі ў Францыі, паведамляе карэспандэнт БЕЛТА.

Як адзначыў на прэзентацыі экспазіцыі Надзвычайны і Паўнамоцны Пасол Беларусі ў Францыі Павел Латушка, менавіта культура больш за ўсё збліжае народы. Яна дае магчымасць азнаёміцца з духоўнай спадчынай краін.

Сваёй творчасцю Ірына Даманава і Марына Мароз імкнуцца прадоўжыць лепшыя традыцыі беларускіх майстроў парыжскай школы. На экспазіцыі прадстаўлена 12 графічных работ.

На прэзентацыю сабраліся прадстаўнікі дзяржорганаў Францыі, групы дружбы "Францыя - Беларусь" з рэгіёну Нор-Па-дэ-Кале, замежныя дыпламаты, французскія сябры пасольства. На мерапрыемства таксама была запрошана беларуская дэлегацыя, якая ўдзельнічае ў рабоце Міжнароднага аграпрамысловага салона Sima-2013.

Сімвалічна, што ў гэты перыяд у Люксембургскім музеі ў Парыжы праходзіць выстаўка, на якой прадстаўлены творы Марка Шагала віцебскай тэматыкі. У той жа час тры работы вядомага беларускага мастака Лявона Бакста прадстаўлены на адкрытай у Парыжы перадаўкцыйннай выстаўцы, якая папярэднічае чэрвеньскім таргам аўкцыённага дома "Сотбіс".

Такім чынам, у Парыжы ў адзін перыяд прадстаўлена творчасць беларускіх мастакоў розных перыядаў.

версія для друку

зрабіць стартавай

дабавіць у выбранае