У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

5 Снж 2014

Вялікі тэатр Беларусі запрашае сустрэць стары Новы год у сваіх сценах

5 снежня, Мінск /Кар. БЕЛТА/. Па цудоўнай традыцыі, закладзенай у 2010 годзе, у ноч з 13 на 14 студзеня галоўны тэатр краіны - Нацыянальны акадэмічны Вялікі тэатр оперы і балета Беларусі запрашае сустрэць стары Новы год у сваіх сценах. Аб гэтым БЕЛТА паведамілі ў тэатры.

Калі сусветнай сталіцай баляў з'яўляецца аўстрыйская Вена, то ў Беларусі цэнтрам прыцягнення публікі, якая любіць прыгожыя і высакародныя забавы, стаў Вялікі тэатр оперы і балета. У традыцыйную праграму свята ўваходзяць шматлікія свецкія забавы і тэматычныя салоны (мастацкі, музычны, паэтычны і інш.). Музычная частка ўключае тэатралізаваныя канцэрты розных жанраў (опера, аперэта, мюзікл, джаз, эстрада) на галоўнай сцэне, у фае для гледачоў, у Камернай зале імя Александроўскай. Баль праходзіць на працягу цэлай ночы, завяршаючыся гала-канцэртам, дзе адбываецца ўрачыстае ўзнагароджанне самых яркіх удзельнікаў. Арганізатарам удалося знайсці ідэальную формулу правядзення балю, дзе кожны госць уключаны ў дзеянне і можа знайсці занятак па гусце.

Сустрэча старога Новага года пачнецца 13 студзеня ў 20.30 і завершыцца 14 студзеня ў 03.00.

Навагодні баль адкрые парад зорак Вялікага тэатра Беларусі. Танцавальная праграма традыцыйна стартуе Рускім балем і ўрачыстым паланэзам. За гадзіну да поўначы пачнецца канцэрт-сюрпрыз "Навагодні экспрэс", сюжэтнай асновай якога стане рамантычная казка пра каханне. Апоўначы разам з салістамі Вялікага тэатра госці сустрэнуць стары Новы год пад звон бакалаў шампанскага. Танцавальную праграму прадоўжыць вытанчаны Венскі баль, напоўнены рамантычнай музыкай Штрауса і Легара. А ў "Танга-салоне" госці змогуць асвоіць асноўныя рухі самага гарачага танца - танга.

Для ўсіх жадаючых прыняць удзел у навагодняй урачыстасці Вялікі тэатр Беларусі дае ўнікальную магчымасць бясплатна атрымаць урокі ў Танцмайстра (балетмайстар-пастаноўшчык Вольга Кастэль) у імправізаванай школе бальных танцаў.

У фае тэатра будуць працаваць стылізаваныя кафэ. Так, у кафэ "Тайны Парыжа" будуць трансліравацца шэдэўры нямога кіно: цудоўныя старыя чорна-белыя кінастужкі, фільмы братоў Люм'ер, знакаміты фільм "Агні вялікага горада" з Чарлі Чапліным. У "Агнях Манхэтэна" размесціцца фотазона, а джазавы калектыў створыць спакойную і ўтульную музычную атмасферу.

Асноўнай для маючага адбыцца балю стане тэма чароўнага "Навагодняга экспрэса", таму глядзельная частка і фае тэатра ператворацца ў імправізаваныя вакзальныя станцыі і гарадскія вулачкі розных краін (мастак-пастаноўшчык Аляксандр Касцючэнка). У рамантычным кутку ў італьянскім стылі сваё майстэрства прадставяць мастакі, жанглёры і мімы. Ва "Усходнім салоне" госці паглыбяцца ў чароўны свет Усходу, а студэнты Беларускай дзяржаўнай акадэміі мастацтваў пакажуць пластычную кампазіцыю на вершы Хоку - мастацтва сказаць многае ў некалькіх словах.

У праграме прадугледжаны выступленні розных музычных калектываў: квінтэт "Серэнада", трыа "Ларэлея" і джаз-бэнд пад кіраўніцтвам А.Баранава. У Камернай зале імя Александроўскай будуць прадстаўлены арыгінальныя канцэртныя праграмы "Опера смяецца" і "Блакітны агеньчык". Таксама ў Камернай зале пачне працаваць паэтычны салон "Служэнне муз". А пры наведванні "Астралагічнага салона" можна даведацца пра свой лёс, паваражыўшы на картах Таро. У фае тэатра жадаючых сфатаграфуюць з "жывымі" статуямі. Тут жа сваё майстэрства прадэманструюць фокуснікі-ілюзіяністы.

Пасля поўначы забаўляльную праграму прадоўжыць тэатр вогненных і светлавых паказаў "Элементаль". На заканчэнне свята выступіць шырока вядомая як у Беларусі, так і за мяжой група "Ірдарад" - адзін з самых нестандартных музычных калектываў у стылі fantasy folk. У яе выкананні прагучаць сярэдневяковыя народныя і аўтарскія кампазіцыі, што выконваюцца на рэдкіх музычных інструментах: дудзельзак, бузукі, дзіджэрыду і іншых.

Абавязковая ўмова для ўдзельнікаў балю - захаванне дрэс-кода: дамам неабходна з'явіцца ў вячэрняй або бальнай сукенцы, мужчынам - у смокінгу або элегантным касцюме.

Рэжысёр-пастаноўшчык дзейства Вольга Бураўлёва, дырыжоры - Андрэй Галанаў, Андрэй Іваноў, Іван Касцяхін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс