Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

5 Май 2013

Урачыстасці ў гонар 1025-годдзя Хрышчэння Русі пройдуць у сталіцах Беларусі, Расіі і Украіны

5 мая, Масква /Эдуард Півавар - БЕЛТА/. Урачыстасці ў гонар 1025-годдзя Хрышчэння Русі пройдуць у сталіцах Беларусі, Расіі і Украіны. Аб гэтым паведаміў 5 мая ў інтэрв'ю расійскаму тэлебачанню Патрыярх Маскоўскі і ўсяе Русі Кірыл, перадае БЕЛТА.

"Мы мяркуем, што ўрачыстасці пачнуцца ў Маскве 24 ліпеня, у дзень памяці святой благавернай княгіні Вольгі, бабулі князя Уладзіміра, - можна сказаць, першай хрысціянкі ва ўладзе, якая ў многім падрыхтавала Хрышчэнне Русі", - сказаў Патрыярх.

Паводле яго слоў, у Маскве запланавана ўрачыстае богаслужэнне ў храме Хрыста Збавіцеля, на якое запрошаны кіраўнікі памесных праваслаўных цэркваў, чакаецца таксама, што ў гэты дзень адбудзецца народны фестываль.

Затым урачыстасці перамесцяцца ў Кіеў, дзе адбудуцца ўрачыстае богаслужэнне на Уладзімірскай горцы, каля помніка святому князю Уладзіміру і гала-канцэрт на Хрышчаціцы.

Пасля гэтага ўрачыстасці прадоўжацца ў Мінску, дзе будзе адслужана богаслужэнне пад адкрытым небам. Плануецца таксама правесці ў беларускай сталіцы вялікія народныя шэсці.

Патрыярх Кірыл лічыць важным, каб рускія, украінцы і беларусы помнілі падзею Хрышчэння Русі, што абумовіла далейшы ход гісторыі славянскіх народаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі