8 кастрычніка, Мінск /Кар. БЕЛТА/. У Нясвіжы 18 кастрычніка будуць шукаць скарбы Радзівілаў, паведамілі карэспандэнту БЕЛТА ў Нацыянальным гісторыка-культурным музеі-запаведніку "Нясвіж".
Восенню 1939 года за некалькі дзён да прыходу Чырвонай арміі ў Нясвіж апошні ўладальнік замка Леан Радзівіл ноччу вынес і схаваў асабістыя каштоўнасці. На працягу 75 гадоў гэта заставалася сямейнай тайнай, пакуль аб гэтым не расказала ўнучка князя Дзіяна Радзівіл-Караба ў час наведвання музея-запаведніка летам бягучага года.
Абследаваць тэрыторыю, дзе, як мяркуецца, могуць быць закапаны фамільныя каштоўнасці, будуць спецыялісты з Інстытута гісторыі НАН Беларусі. Паназіраць за пошукам змогуць і турысты.
Архітэктурна-культурны комплекс былой рэзідэнцыі Радзівілаў у Нясвіжы - адна з выдатных мясцін Беларусі, занесеная ў спіс Сусветнай спадчыны ЮНЕСКА. Гістарычны помнік цікавы не толькі сваімі наземнымі збудаваннямі, але падзямеллямі і склепамі.
Пн | Аўт | Сер | Чцв | Пт | Сб | Нядз |
---|