У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

8 Ліп 2013

У Мінск даставяць крыж, на якім прыняў пакутніцкую смерць апостал Андрэй Першазваны

8 ліпеня, Мінск /Ірэна Кацяловіч - БЕЛТА/. У Мінск будзе дастаўлены крыж, на якім, паводле падання, прыняў пакутніцкую смерць святы апостал Андрэй Першазваны. Па рашэнню праведзенага пасяджэння Сінода Беларускага Экзархата святыня будзе знаходзіцца з 29 ліпеня па 2 жніўня ў храме ў гонар апостала Андрэя Першазванага і храме-помніку ў гонар Усіх Святых, паведамілі БЕЛТА ў Мінскай епархіі Беларускай праваслаўнай царквы.

Крыж, на якім быў распяты апостал Андрэй, захоўваецца ў саборы горада Патры на паўвостраве Пелапанес (Грэцыя). Святыня пабывае ў Санкт-Пецярбургу, Маскве, Кіеве, а затым у Мінску. "Падзея прызначана нагадаць, што духоўнае жыццё народаў трох дзяржаў узыходзіць да адзінай крыніцы - благаславення, дадзенага апосталам Андрэем у I стагоддзі ад Ражджаства Хрыстовага, і да Хрышчэння, прынятага ў Кіеўскай купелі ў 988 годзе", - адзначылі ў БПЦ.

Агульнахрысціянская святыня будзе дастаўлена ў межы Рускай праваслаўнай царквы па благаславенню Патрыярха Маскоўскага і ўсяе Русі Кірыла і архіепіскапа Афінскага і Эладскага Іераніма. Прынясенне святыні арганізуе Фонд Андрэя Першазванага (Расія) пры падтрымцы стаўрапігіяльнага фонду "Апосталі" Эладскай праваслаўнай царквы.

Акрамя таго, члены Сінода пад старшынствам Мітрапаліта Філарэта прынялі іншыя важныя рашэнні, якія датычацца жыцця Беларускага Экзархата. Так, пастановай Святога Сінода заснаваны Савет па тэалагічнай адукацыі Беларускага Экзархата. Членамі савета стануць клірыкі і цывільныя, якія ўваходзяць у прафесарска-выкладчыцкі склад Мінскай духоўнай акадэміі, Інстытута тэалогіі БДУ, гістарычнага факультэта Віцебскага дзяржаўнага ўніверсітэта. Задачай арганізацыі будзе ўмацаванне ўзаемадзеяння царкоўных структур з тэалагічнымі падраздзяленнямі свецкіх ВНУ Беларусі.

Таксама ў адпаведнасці з рашэннем Святога Сінода 12 жніўня ў Мінску пройдзе канферэнцыя "Подзвіг навамучанікаў і спавядальнікаў зямлі беларускай". Удзельнікамі канферэцыі стануць паломнікі з абшчыны храма Святых навамучанікаў і спавядальнікаў у Бутаве.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску