19 мая, Мінск /Кар. БЕЛТА/. У Беларусі стартаваў Міжнародны тыдзень мастацкай адукацыі, паведамілі БЕЛТА ў Міністэрстве культуры.
У 2012 годзе ЮНЕСКА было прынята рашэнне аб аб'яўленні чацвёртага тыдня мая Міжнародным тыднем мастацкай адукацыі. Яго мэта - фарміраванне ў грамадскай свядомасці ўяўленняў аб ролі мастацкай адукацыі ва ўмацаванні творчага патэнцыялу, развіццё культурнай ідэнтычнасці.
У праекце ўдзельнічаюць Беларуская дзяржаўная акадэмія мастацтваў, Беларуская дзяржаўная акадэмія музыкі, Беларускі дзяржаўны ўніверсітэт культуры і мастацтваў, Мінскі дзяржаўны мастацкі каледж імя А.К.Глебава, Беларуская дзяржаўная харэаграфічная гімназія-каледж, Нацыянальны цэнтр мастацкай творчасці дзяцей і моладзі, Гродзенскі дзяржаўны каледж мастацтваў і Галоўнае ўпраўленне ідэалагічнай работы, культуры і па справах моладзі Гродзенскага аблвыканкама.
У праграме мерапрыемстваў - выстаўкі, канцэрты, калёквіумы, майстар-класы, тэматычныя сустрэчы, практычныя семінары. Міжнародны тыдзень мастацкай адукацыі будзе праходзіць па 25 мая ўключна.
Пн | Аўт | Сер | Чцв | Пт | Сб | Нядз |
---|