У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

20 Ліс 2014

Цэнтр усходняй культуры хочуць стварыць у Віцебску

20 лістапада, Віцебск /Кацярына Князева - БЕЛТА/. Рэспубліканская федэрацыя баявых мастацтваў "Айкібуда" выступіла з ініцыятывай стварэння цэнтра ўсходняй культуры ў Віцебску на базе мясцовай школы баявых мастацтваў. Як паведаміў карэспандэнту БЕЛТА старшыня федэрацыі Генадзь Фралоў, ён ужо заручыўся падтрымкай кіраўніка мінскага грамадскага аб'яднання ўсходняй культуры і традыцый "Хагакурэ" Святаслава Гаеўскага.

"У нас вельмі добра развіты баявыя мастацтвы. Яны маюць на мэце не толькі вывучэнне баявых тэхнік, але і традыцый, японскай тэрміналогіі, знаёмства з усходняй культурай. Таму мы хочам пры падтрымцы мясцовых органаў улады і тэхнічнай дапамозе "Хагакурэ" арганізаваць у Віцебску паўнацэнны цэнтр, дзе можна вывучаць мастацтва чайнай цырымоніі, ікебаны, жывапісу і каліграфіі, вывучыць японскую мову. У Віцебску ёсць энтузіясты, якім цікавыя гэтыя напрамкі, трэба толькі прайсці адпаведнае навучанне. Гэта патрабуе часу і цярпення, тым больш што ўсходнія людзі, як вядома, не любяць спяшацца", - растлумачыў Генадзь Фралоў.

"Айкібуда" дзейнічае ў Віцебску і строга прытрымліваецца праграмы навучання, устаноўленай і стандартызаванай па ўсёй сістэме. Заняткі праходзяць у залах, аформленых у традыцыйным стылі, з выкарыстаннем японскай тэрміналогіі. Займаюцца і дзеці, і дарослыя. Айкібуда - комплекснае баявое мастацтва, якое захавала традыцыі самурайскіх баявых мастацтваў старажытнай Японіі.

Грамадскае аб'яднанне ўсходняй культуры і традыцый "Хагакурэ" створана ў Мінску пры падтрымцы пасольства Японіі ў Беларусі ў мэтах садзейнічання навучанню і асваенню яго членамі багаццяў японскай і славянскай культурнай спадчыны; вывучэння і прапаганды дасягненняў японскага і славянскага народаў у галіне мастацтваў, традыцый, спорту, культурнай спадчыны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс