4 студзеня, Мінск /Кар. БЕЛТА/. Завяршыўся таварыскі хакейны матч у Сочы з лікам 12:3 на карысць каманды, у якой гулялі кіраўнікі Беларусі і Расіі, перадае карэспандэнт БЕЛТА.
Аляксандр Лукашэнка выступіў пад сваім нумарам 1, Уладзімір Пуцін - пад нумарам 11. Вароты іх каманды абараняў Дзмітрый Баскаў, член хакейнай каманды Прэзідэнта Беларусі, дырэктар дзіцяча-юнацкай спартыўнай школы "Дынама". Капітанам каманды, у якой гулялі прэзідэнты, быў Вячаслаў Фяцісаў.
Разам з кіраўнікамі дзяржаў у камандзе гулялі такія зоркі хакея, як Валерый Каменскі, Павел Бурэ, Аляксандр Кажэўнікаў, а таксама шэраг іншых вядомых хакеістаў. У камандзе прэзідэнтаў таксама гулялі міністр абароны Расіі Сяргей Шайгу і члены каманды Прэзідэнта Беларусі Андрэй Асташэвіч і Міхаіл Захараў. У каманду праціўнікаў увайшлі Аляксей Жамноў, Аляксандр Магільны, браты Голікавы, Аляксандр Якушаў, Сяргей Макараў і іншыя легенды сусветнага хакея.
Пн | Аўт | Сер | Чцв | Пт | Сб | Нядз |
---|