30 ліпеня, Мінск /Аліна Грышкевіч - БЕЛТА/. Беларускі ансамбль танца "Равеснік" прадстаўляе нашу краіну на міжнародным дзіцячым фестывалі культуры і мастацтва, які з 29 ліпеня па 2 жніўня праходзіць у кітайскім Цяньцзіні. Аб гэтым карэспандэнту БЕЛТА паведамілі ў пасольстве Беларусі ў Кітайскай Народнай Рэспубліцы.
Фестываль праводзіцца пры падтрымцы Міністэрства культуры Кітая, Кітайскага народнага таварыства дружбы з замежжам, Кітайскай асацыяцыі міжнароднага абмену, Кітайскага фонду Сун Цынлін.
Усяго ў мерапрыемстве прымаюць удзел больш за 2 тыс. дзяцей з 53 краін. У свяце ўдзельнічаюць таксама прадстаўнікі з 31 рэгіёну Кітайскай Народнай Рэспублікі.
Асноўная ідэя свята - паказаць, колькі радасці і дабра могуць дзеці прынесці свету. Нягледзячы на юны ўзрост, менавіта дзеці могуць стаць пасланцамі любові і дружбы, паколькі ў іх руках будучыня, у якой не павінна быць войнаў, расавай дыскрымінацыі, галечы і іншых праблем сучаснасці.
Пн | Аўт | Сер | Чцв | Пт | Сб | Нядз |
---|