28 лютага, Мінск /Надзея Радзівон - БЕЛТА/. Традыцыйнае зімовае спартыўнае свята "Мінская лыжня-2013" пройдзе 2 сакавіка на гарадской лыжаролернай трасе ў мікрараёне Вяснянка. Аб гэтым БЕЛТА паведамілі ва ўпраўленні фізічнай культуры, спорту і турызму Мінгарвыканкама.
Акрамя лыжнай эстафеты, праграма мерапрыемства прадугледжвае правядзенне розных спаборніцтваў сярод гледачоў і ўдзельнікаў, у тым ліку па перацягванню каната, армрэслінгу, гіравому спорту. Цікавай падзеяй стане конкурс "Ледзяны слуп".
Таксама плануецца арганізаваць выязны гандаль харчовымі таварамі і прадукцыяй грамадскага харчавання, пункт гарачага харчавання "салдацкая каша". Канцэрт на сцэнічнай пляцоўцы збярэ сталічныя творчыя калектывы, артыстаў беларускай эстрады. Старты гонак будуць суправаджацца выступленнем групы падрымкі "Айс-герлз".
Для гасцей, якія прыедуць на асабістым транспарце, будуць абсталяваны дадатковыя парковачныя месцы па вул.Арлоўскай (першая паласа ў абодвух напрамках), вул.Ціміразева, вул.Нарачанскай. Можна будзе карыстацца і парковачнай стаянкай каля комплексу "Мінск-Арэна".
Пн | Аўт | Сер | Чцв | Пт | Сб | Нядз |
---|