Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

13 Чэр 2014

Серыя выставак "Стварэнне свету" адкрываецца ў Гомелі

13 чэрвеня, Гомель /Валерый Сідорчык - БЕЛТА/. Серыя выставак пад агульнай назвай "Стварэнне свету", прысвечаная 25-годдзю ўстановы адукацыі "Гомельскі дзяржаўны мастацкі каледж", адкрываецца сёння ў абласной універсальнай бібліятэцы імя У.І.Леніна. Аб гэтым карэспандэнту БЕЛТА паведамілі ў прэс-службе аблвыканкама.

Яшчэ ў працэсе падрыхтоўкі выстаўкі спецыялісты назвалі яе адной з самых маштабных з ліку аналагічных мерапрыемстваў, што праводзяцца ў Гомелі. Экспазіцыі будуць размяшчацца на трох паверхах бібліятэкі на плошчы некалькі соцень квадратных метраў.

Тут можна будзе ўбачыць выстаўку дыпломных работ выпускнікоў вучылішча па спецыяльнасці "Жывапіс", якія прадстаўляюць багацце тэхнік, тэм і аўтарскіх ідэй, распрацоўкі сувенірнай прадукцыі і аўтарскіх сумак, выстаўкі аўтарскіх лялек і дэкаратыўна-прыкладнога мастацтва, афішы і раскадроўкі мультыплікацыйных фільмаў. У фае чытальнай залы на другім паверсе размесціцца групавы праект "Лялькі", у якім адноўлены народныя касцюмы па строях розных раёнаў рэспублікі.

Наведвальнікі змогуць таксама азнаёміцца з аўтарскімі работамі выкладчыкаў каледжа і метадычнымі вучэбнымі работамі навучэнцаў, у тым ліку малюнкамі, плакатамі, праектамі. Цікавымі будуць дэкаратыўныя пано ў тэхніцы батык, рамізнае ткацтва і габелен.

Гомельскі мастацкі каледж за гады свайго існавання падрыхтаваў амаль 800 спецыялістаў з мастацкай адукацыяй. Большасць яго выпускнікоў прадаўжаюць вучобу ў вышэйшых навучальных установах Беларусі. Навучэнцы каледжа - стыпендыяты розных фондаў, у тым ліку і спецыяльнага фонду Прэзідэнта Рэспублікі Беларусь па падтрымцы таленавітай моладзі - перамагалі і перамагаюць у розных конкурсах, удзельнічаюць у міжнародных пленэрах, атрымліваюць многія іншыя ўзнагароды, у тым ліку ўрадавыя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс