Падзеі, факты, анонсы

Спартыўная частка злёту прадугледжвае правядзенне спаборніцтваў па міні-футболе, паркавым валейболе, дартсе, гіравым спорце, стральбе з пнеўматычнай вінтоўкі, рыбалоўным спорце, турысцкую паласу перашкод, сямейныя эстафеты.

Базай для стаянкі "дамоў на колах" выбралі новы кемпінг, які адкрыўся 21 чэрвеня бягучага года. Ён здольны прыняць адначасова больш за 300 чалавек. У кемпінгу добраўпарадкаваны гасцявыя двух- і чатырохмесныя домікі, адна- і двухпакаёвыя кемпінгавыя палаткі, а таксама 50 месц для ўласных аўтадамоў і жылых турыстычных аўтапрычэпаў, 50 месц для палатак. Таксама на тэрыторыі абсталяваны дзіцячая і спартыўная пляцоўкі, месца для раскладання вогнішча, стаянка для аўтамабіляў, прычал. У час маючага адбыцца злёту (2 жніўня) будуць працаваць гандлёвыя рады, падворкі, выстаўкі.

Праграма злёту прадугледжвае дэманстрацыю магчымасцей і прывабнасці такога віду падарожжаў і адпачынку, абмеркаванне існуючых праблем, абмен інфармацыяй і набытым вопытам, пошук шляхоў далейшага развіцця караванінгу ў Беларусі.

Акрамя саміх аматараў аўтападарожжаў у злёце прымуць удзел прадстаўнікі зацікаўленых міністэрстваў, грамадскіх арганізацый, суб'ектаў гаспадарання.

У Беларусі зарэгістравана каля 600 прычэпаў-дач і 40 аўтадамоў, функцыянуе 13 стаянак для кемпераў. У лютым 2014 года створана Рэспубліканскае грамадскае аб'яднанне "Беларускі клуб караванераў і аўтатурыстаў", што аб'ядноўвае больш за 60 членаў.

У пачатку ліпеня ў музейным комплексе "Дудуткі" прайшоў II Міжнародны фестываль караванераў, у якім прынялі ўдзел больш за 30 экіпажаў з Беларусі, Украіны, Расіі, Літвы, Латвіі, Польшчы і Германіі.

Галоўным арганізатарам маючага адбыцца Рэспубліканскага турысцка-спартыўнага злёту кемпераў выступае Міністэрства спорту і турызму Беларусі.-0-