Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

20 Май 2013

Рэалізацыя праекта па развіццю кулінарнай спадчыны пачынаецца ў Беларусі і Латвіі

20 мая, Віцебск /Алена Ціханава - БЕЛТА/. У рамках праграмы трансгранічнага супрацоўніцтва Латвіі, Літвы і Беларусі ў прыгранічных рэгіёнах Беларусі і Латвіі пачынаецца рэалізацыя праекта па развіццю кулінарнай спадчыны Bella Cuisine, паведаміў БЕЛТА каардынатар праекта Антон Раднянкоў.

Праект Bella Cuisine будзе рэалізаваны на тэрыторыі Полацкага, Лепельскага, Мёрскага, Глыбоцкага і Верхнядзвінскага раёнаў Віцебскай вобласці, а таксама Аглонскага, Краслаўскага, Дагдскага, Рэзекненскага і Лудзенскага краёў Латгальскага рэгіёна (Латвія). Агульны бюджэт праекта складае амаль 500 тыс. еўра.

Плануецца, што ў ходзе праекта, разлічанага на 18 месяцаў, Віцебская вобласць стане кандыдатам на ўступленне ў Еўрапейскую сетку кулінарнай спадчыны, у якую ўваходзяць 24 рэгіёны такіх краін, як Данія, Германія, Латвія, Літва, Нарвегія, Польшча, Швецыя і Украіна. Будзе распрацаваны шасцідзённы кулінарны маршрут па прыгранічных рэгіёнах Беларусі і Латвіі, пройдуць чатыры кулінарныя фестывалі, а таксама будзе адкрыты міжнародны цэнтр па папулярызацыі кулінарнай спадчыны ў горадзе Краслава (Латвія). У Беларусі і Латвіі пройдуць мерапрыемствы па папулярызацыі кулінарнай спадчыны Латгальскага рэгіёна і Віцебскай вобласці, будзе арганізавана навучанне прадстаўнікоў сферы харчавання, а таксама паездкі па абмену вопытам у Швецыю, Латвію і Літву.

Праект Bella Cuisine у рамках праграмы трансгранічнага супрацоўніцтва Латвіі, Літвы і Беларусі ставіць перад сабой мэту азнаёміць Беларусь з канцэпцыяй кулінарнай спадчыны, палепшыць якасць прадастаўлення кулінарных паслуг у Віцебскай вобласці і Латгальскім рэгіёне (Латвія), садзейнічаць папулярызацыі нацыянальнай кухні і гастранамічнага турызму.

 

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі