У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

24 Чэр 2014

Расійскія Ка-52 і Су-34 прымуць удзел у паветраным парадзе ў Дзень Незалежнасці Беларусі

24 чэрвеня, Мінск /Кар. БЕЛТА/. Верталёты Ка-52 і самалёты Су-34 ВПС Расіі прымуць удзел у паветраным парадзе ў азнаменаванне Дня Незалежнасці і 70-годдзя вызвалення Беларусі ад нямецка-фашысцкіх захопнікаў, які пройдзе 3 ліпеня ў Мінску. Аб гэтым БЕЛТА паведамілі ў Міністэрстве абароны Беларусі.

Удзел расійскіх ВПС стане сёлета адной з асаблівасцей паветранага парада. У прыватнасці, гледачы ўбачаць у небе над сталіцай у складзе лётнага эшалона звяно верталётаў Ка-52 344-га цэнтра баявога прымянення і падрыхтоўкі лётнага складу (авіяцыйнага персаналу армейскай авіяцыі) і самалётаў Су-34 47-га змешанага авіяцыйнага палка ВПС Расіі.

Усяго ж у паветраным парадзе будзе задзейнічана 40 паветраных суднаў, з якіх 22 самалёты. Схема пастраення баявога парадку авіяцыі на паветраным парадзе будзе складацца з пралёту 7 звёнаў самалётаў і верталётаў у самкнутых баявых парадках. Гледачы ўбачаць вучэбна-баявыя самалёты Л-39, верталёты Мі-2, Мі-8 і Мі-24, штурмавікі Су-25, знішчальнікі МіГ-29 і ваенна-транспартны самалёт Іл-76.

Авіяцыйная тэхніка, якая ўдзельнічае ў парадзе, перабазіравана на аэрадром Мачулішчы. Да парада будуць праведзены некалькі трэніровак, у ходзе якіх пілоты адпрацуюць пытанні ўзаемадзеяння ў складзе паветранага эшалона. Паветраныя судны ў небе над сталіцай будуць пілатаваць лепшыя лётчыкі авіяцыі ВПС і войскаў ППА. Сярод іх 2 лётчыкі-снайперы і 26 лётчыкаў 1-га класа.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску