Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

30 Ліп 2014

Прэзентацыя дзейнасці цэнтра па процідзеянні гандлю людзьмі Акадэміі МУС Беларусі адбылася ў Маскве

30 ліпеня, Масква /Эдуард Півавар - БЕЛТА/. Прэзентацыя дзейнасці Міжнароднага вучэбнага цэнтра падрыхтоўкі, павышэння кваліфікацыі і перападрыхтоўкі кадраў у сферы міграцыі і процідзеяння гандлю людзьмі Акадэміі МУС Беларусі адбылася сёння ў Маскве. Яна прайшла ў пасольстве Беларусі ў Расіі ў рамках спецыяльнага брыфінгу, прысвечанага Сусветнаму дню барацьбы з гандлем людзьмі, які па ініцыятыве Беларусі адзначаецца ўпершыню, перадае карэспандэнт БЕЛТА.

Адказваючы на пытанне карэспандэнта БЕЛТА аб перспектывах развіцця цэнтра, яго дырэктар Аляксандр Краўчанка назваў у першую чаргу павелічэнне колькасці праводзімых на базе цэнтра міжнародных навучальных мерапрыемстваў і ўдзельнікаў у іх. "Асабліва па курсах павышэння кваліфікацыі, што паслужыць умацаванню патэнцыялу праваахоўных органаў і прадоўжыць развіваць рэгіянальнае і міжрэгіянальнае супрацоўніцтва ў галіне процідзеяння гандлю людзьмі і нелегальнай міграцыі", - удакладніў ён.

Усведамляючы неабходнасць і важнасць падрыхтоўкі спецыялістаў у галіне процідзеяння іншым відам міжнароднай злачыннай дзейнасці, у цэнтры ўжо ажыццяўляецца падрыхтоўка спецыялістаў па процідзеянні злачынствам у сферы высокіх тэхналогій, распаўсюджвання дзіцячай парнаграфіі, незаконнага абароту наркотыкаў і іншым сучасным выклікам і пагрозам.

"Мы гатовы да распрацоўкі новых навучальных курсаў, запатрабаваных практыкай цяпер. Мы гатовы да ўзаемавыгаднага плённага супрацоўніцтва і будзем рады бачыць у сценах нашага міжнароднага вучэбнага цэнтра новых слухачоў і экспертаў", - сказаў Аляксандр Краўчанка.

Міжнародны вучэбны цэнтр падрыхтоўкі, павышэння кваліфікацыі і перападрыхтоўкі кадраў у сферы міграцыі і процідзеяння гандлю людзьмі быў адкрыты ў Мінску ў 2007 годзе. У 2008 годзе ён атрымаў статус базавай вучэбнай установы краін СНД. Для выкладання ў цэнтры прыцягваюцца вядучыя міжнародныя эксперты. На базе цэнтра праходзяць навучанне прадстаўнікі праваахоўных органаў дзяржаў - удзельніц СНД, развіваецца супрацоўніцтва з дзяржавамі Персідскага заліва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс