2 кастрычніка, Масква /Эдуард Півавар - БЕЛТА/. Прэзентацыя выстаўкі беларускага гісторыка і калекцыянера Уладзіміра Ліхадзедава "Імгненні Першай сусветнай вайны. Погляд па абодва бакі фронту" адбылася ў ходзе круглага стала "Расія ў Вялікай вайне", які прайшоў 2 кастрычніка ў Маскоўскім Доме Нацыянальнасцей, паведамілі БЕЛТА ў прэс-службе пасольства Беларусі ў Расіі.
Гэтай выстаўкай яе стваральнік хацеў паказаць малавядомыя эпізоды таго часу. Экспазіцыя дае магчымасць убачыць падзеі Першай сусветнай вайны вачыма яе непасрэдных удзельнікаў - ваенных фатографаў нямецкай і рускай армій. Фатаграфіі адлюстроўваюць іх погляд на адну і тую ж падзею, прычым не толькі баявыя дзеянні, але і, напрыклад, святкаванне Каляд.
У мерапрыемстве прынялі ўдзел вядучыя расійскія вучоныя і эксперты, даследчыкі падзей Першай сусветнай вайны, студэнты гістарычных факультэтаў, супрацоўнікі пасольства Беларусі ў Расіі.
Мадэратарам круглага стала выступіў доктар гістарычных навук, прафесар кафедры грамадскіх сувязей і медыяпалітыкі Інстытута дзяржаўнай службы і кіравання персаналам Расійскай акадэміі народнай гаспадаркі і дзяржаўнай службы пры Прэзідэнце РФ Аляксандр Назараў.
Пн | Аўт | Сер | Чцв | Пт | Сб | Нядз |
---|