Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

26 Сак 2013

Прэзентацыі Кітайска-беларускага індустрыяльнага парку пройдуць 22-25 красавіка ў Харбіне і Гуанчжоу

26 сакавіка, Мінск /Кар. БЕЛТА/. Прэзентацыі Кітайска-беларускага індустрыяльнага парку пройдуць 22-25 красавіка ў Харбіне і Гуанчжоу. Аб гэтым паведамілі БЕЛТА ў Міністэрстве эканомікі Беларусі.

Арганізатарамі мерапрыемства з'яўляюцца Міністэрства эканомікі Беларусі і СЗАТ "Кампанія па развіццю індустрыяльнага парку". Яны запрашаюць да ўдзелу ў прэзентацыях айчынныя кампаніі, зацікаўленыя ў рэалізацыі на тэрыторыі Кітайска-беларускага індустрыяльнага парку (Мінская вобласць, Смалявіцкі раён) сумесных інвестпраектаў з кітайскімі партнёрамі. З улікам прапаноў беларускага боку будуць падабраны канкрэтныя кітайскія кампаніі, з якімі беларускія прадстаўнікі правядуць перагаворы і абмяркуюць перспектывы сумеснай работы.

Інвестыцыйны праект, прапануемы або намечаны да рэалізацыі ў Кітайска-беларускім індустрыяльным парку, павінен адпавядаць адначасова шэрагу крытэрыям. Ён павінен быць накіраваны на стварэнне і развіццё на тэрыторыі парку вытворчасцей у сферах электронікі, тонкай хімііі, біятэхналогій, машынабудавання і новых матэрыялаў. Заяўлены аб'ём інвестыцый у рэалізацыю інвестпраекта павінен складаць суму, эквівалентную не менш як $5 млн.

Заяўкі на ўдзел у прэзентацыях індустрыяльнага парку прымаюцца да 3 красавіка 2013 года.

Кітайска-беларускі індустрыяльны парк створаны ў 2012 годзе ўказам нумар 253 для актывізацыі гандлёва-эканамічнага і інвестыцыйнага супрацоўніцтва з КНР, прыцягнення айчынных і замежных інвестыцый для арганізацыі і развіцця высокатэхналагічных і канкурэнтаздольных вытворчасцей і з улікам Пагаднення паміж урадамі Беларусі і Кітайскай Народнай Рэспублікі аб Кітайска-беларускім індустрыяльным парку ад 18 верасня 2011 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс