11 снежня, Мінск /Вера Сяргеева - БЕЛТА/. Для акрэдытаваных гасцей чэмпіянату свету па хакею ў 2014 годзе праезд у грамадскім транспарце Мінска будзе бясплатным. Аб гэтым паведаміў сёння журналістам дырэктар дзяржаўнай установы "Сталічны транспарт і сувязь" Валерый Шкуратаў, перадае карэспандэнт БЕЛТА.
"Кошт праязнога білета для гледачоў удакладняецца", - адзначыў Валерый Шкуратаў.
Паводле яго слоў, у сталіцы да сусветнага першынства па хакею распрацавана 13 дадатковых маршрутаў, якія будуць звязваць месцы і аб'екты, што ўяўляюць найбольшы інтарэс для турыстаў. Сярод іх чыгуначны вакзал, Студэнцкая вёска, "Мінск-Арэна" і "Чыжоўка-Арэна".
Усяго каля 180-200 дадатковых аўтобусаў будзе курсіраваць у сталіцы ў дні чэмпіянату. Плануецца набыць 50 тралейбусаў і 100 аўтобусаў, а таксама пяць вагонаў метро.
Напярэдадні чэмпіянату свету па хакею ў Мінску ўдасканаляць работу маршрутных таксі, якія ўжо змянілі сваё аблічча, дадаў Валерый Шкуратаў. Сёння на сталічных дарогах з'яўляюцца камфартабельныя аўтобусы. Плануецца да 1 мая 2014 года ўвесці ў доследную эксплуатацыю дыспетчарскі цэнтр, каб у час правядзення сусветнага першынства па хакею ўзяць пад поўны кантроль работу маршрутных таксі.
У нацыянальным аэрапорце Мінск плануецца арганізаваць стаянку закрытага тыпу для таксі. Перавозчыкаў будуць дапускаць туды на конкурснай аснове. Другі праект намечана рэалізаваць на Прывакзальнай плошчы, у выніку чаго яна будзе поўнасцю рэканструявана. "На гэтай тэрыторыі падрыхтуюць асобны тэрмінал для грамадскага пасажырскага транспарту. Ён размесціцца паміж вуліцамі Ленінградская і Кірава. Асобна на гэтым жа ўчастку з'явіцца стаянка для аўтамабіляў, а з боку вакзала будзе арганізавана закрытая стаянка для таксі", - расказаў Валерый Шкуратаў.
Пн | Аўт | Сер | Чцв | Пт | Сб | Нядз |
---|