Падзеі, факты, анонсы
Поезд памяці з удзельнікамі вызвалення Беларусі 22 чэрвеня прыедзе з Масквы ў Брэст
18 чэрвеня, Масква /Эдуард Півавар - БЕЛТА/. Поезд памяці адправіцца 20 чэрвеня з Беларускага вакзала Масквы ў Брэст, паведамілі БЕЛТА ў маскоўскай мэрыі.
Падарожжа зробяць 300 пасажыраў, сярод якіх ветэраны Вялікай Айчыннай вайны, у тым ліку якія прымалі ўдзел у аперацыі "Баграціён" па вызваленні Беларусі ад нямецка-фашысцкіх захопнікаў, а таксама актывісты дзіцячых і маладзёжных грамадскіх аб'яднанняў.
21 чэрвеня Поезд памяці зробіць прыпынак у Мінску, дзе ўдзельнікі акцыі ўскладуць кветкі да манумента Перамогі на плошчы Перамогі, наведаюць памятныя мясціны Беларусі, мемарыяльны комплекс "Хатынь" і гісторыка-культурны комплекс "Лінія Сталіна".
Узыход сонца 22 чэрвеня пасажыры Поезда памяці сустрэнуць у легендарнай Брэсцкай крэпасці, дзе прымуць удзел у мерапрыемствах, прысвечаных пачатку Вялікай Айчыннай вайны, сустрэнуцца з беларускімі ветэранамі.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
