Падзеі, факты, анонсы
Парад войскаў і тэатралізаванае шэсце 3 ліпеня ў Мінску пачнуцца ў 21.00
30 чэрвеня, Мінск /Кар. БЕЛТА/. Парад войскаў і тэатралізаванае шэсце "Беларусь - ад вызвалення да незалежнасці" 3 ліпеня ў Мінску пачнуцца ў 21.00, паведамілі БЕЛТА ў прэс-службе Мінгарвыканкама.
Парад войскаў і тэатралізаванае шэсце "Беларусь - ад вызвалення да незалежнасці" пройдуць у Мінску 3 ліпеня не з 21.30 да 22.50, як планавалася раней, а з 21.00 да 22.20. Адразу пасля парада (у 22.25) адбудзецца рэспубліканская патрыятычная акцыя "Спяём гімн разам", а ў 22.30 неба расквеціць святочны салют.
У парадзе прымуць удзел больш за 3,7 тыс. ваеннаслужачых і амаль 240 адзінак баявой тэхнікі ў складзе 20 пешых і 20 парадных разлікаў сучаснай ваеннай тэхнікі. Традыцыйна парад войскаў адкрыюць выхаванцы Мінскага сувораўскага ваеннага вучылішча. За імі перад трыбунамі пранясуць Сцяг Перамогі і штандары 1-га, 2-га, 3-га Беларускіх і 1-га Прыбалтыйскага франтоў, якія прымалі ўдзел у Беларускай стратэгічнай наступальнай аперацыі "Баграціён". Фінальнай часткай ваеннага парада стануць плац-канцэрт зводнай роты ганаровай варты і выступленне зводнага ваеннага аркестра. Больш за сто чалавек зводнай роты ганаровай варты прадэманструюць новыя элементы і перастраенні.
У тэатралізаваным паказе прымуць удзел больш як 2,5 тыс. чалавек. Асноўным лейтматывам шэсця стане святкаванне 70-й гадавіны з дня вызвалення Беларусі.
Усяго ў перадсвяточныя і святочныя дні ў Мінску адбудзецца больш за 80 мерапрыемстваў. Так, 1 ліпеня ў сталічным Палацы Рэспублікі пройдзе ўрачысты сход і канцэрт майстроў мастацтваў "Дзень вызвалення". Адной з галоўных падзей,прымеркаваных да святкавання ў Беларусі Дня Незалежнасці, стане адкрыццё 2 ліпеня новага будынка Беларускага дзяржаўнага музея гісторыі Вялікай Айчыннай вайны, узвядзенне якога пачалося ў красавіку 2010 года. У гэты ж дзень у Мінску ўскладуць кветкі да манумента Перамогі.
З 2 па 4 ліпеня ў горадзе пройдзе Міжнародны злёт пастоў нумар 1 гарадоў-герояў "Наследнікі Вялікай Перамогі", 2-3 ліпеня адбудзецца акцыя "Поезд памяці і славы". З 1 па 3 ліпеня акцыю "Я памятаю! Я ганаруся" правядуць актывісты Беларускага рэспубліканскага саюза моладзі.
Асноўнай святочнай пляцоўкай у Мінску стане тэрыторыя каля Палаца спорту. Канцэрты пройдуць тут 2-4 ліпеня, а з 4 па 5 ліпеня на пляцоўцы разгорнецца рэспубліканская выстаўка-кірмаш вырабаў народных рамёстваў, нацыянальнай сувенірнай прадукцыі і страў беларускай кухні "Беларускi сувенiр".
Святочныя мерапрыемствы напярэдадні і ў Дзень Незалежнасці адбудуцца ва ўсіх адміністрацыйных раёнах Мінска.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
