6 жніўня, Мінск /Аліна Грышкевіч - БЕЛТА/. Амаль 200 беларускіх дзяцей, якія пацярпелі ад аварыі на Чарнобыльскай АЭС, наведаюць Кітай. Аб гэтым БЕЛТА паведамілі ў пасольстве Рэспублікі Беларусь у Кітайскай Народнай Рэспубліцы.
Паездка адбудзецца 9-16 жніўня ў адпаведнасці з дамоўленасцямі на вышэйшым узроўні. Так, у ліпені 2013 года ў ходзе афіцыйнага візіту Прэзідэнта Рэспублікі Беларусь Аляксандра Лукашэнкі ў Пекін старшыня КНР Сі Цзіньпін запрасіў беларускіх дзяцей наведаць Кітай летам 2014 года.
Арганізатарам мерапрыемства выступае Кітайскі фонд імя Сун Цынлін. У час наведвання Паднябеснай беларускія дзеці ўбачаць такія выдатныя мясціны, як Забаронены горад, плошча Цяньаньмэнь, Вялікую кітайскую сцяну, алімпійскія аб'екты, а таксама пабываюць у прыморскім горадзе Цындаа. Акрамя таго, яны прымуць удзел у сустрэчы з кіраўніцтвам КНР.
На мерапрыемствах па маладзёжным абмене беларускія і кітайскія юнакі і дзяўчаты пазнаёмяць адзін аднаго з культурай сваіх краін, знойдуць новых сяброў, што стане важкім укладам у развіццё дружбы паміж Беларуссю і Кітаем, лічаць у пасольстве.
Пн | Аўт | Сер | Чцв | Пт | Сб | Нядз |
---|