18 верасня, Мінск /Андрэй Асфура - БЕЛТА/. У пасяджэнні Кансультатыўнага навуковага савета фонду "Сколкава", якое пройдзе ў Мінску 20-21 верасня, прымуць удзел тры нобелеўскія лаўрэаты. Аб гэтым паведамілі карэспандэнту БЕЛТА ў прэс-службе НАН Беларусі.
У Мінск прыедуць віцэ-прэзідэнт Расійскай акадэміі навук, акадэмік РАН Жарэс Алфёраў, прафесар Стэнфардскага ўніверсітэта Роджэр Дэвід Корнберг і прафесар Страсбургскага ўніверсітэта, заснавальнік супрамалекулярнай хіміі Жан-Мары Лен.
Напярэдадні пасяджэння Кансультатыўнага навуковага савета фонду "Сколкава" запланаваны форум "Расія - Беларусь - Сколкава: адзіная інавацыйная прастора", арганізатарамі якога выступяць НАН Беларусі і расійскі фонд "Сколкава".
Форум адбудзецца 19 верасня і збярэ больш як 500 вучоных. Канферэнцыю правядуць на базе НАН Беларусі. На ёй прадставяць і абмяркуюць практычныя аспекты ўдзелу беларускіх рэзідэнтаў у інавацыйных праектах "Сколкава". Навуковая праграма канферэнцыі ўключае фундаментальныя і прыкладныя пытанні стварэння навукаёмістых тэхналогій, матэрыялаў і прадуктаў па пяці напрамках (кластарах) дзейнасці фонду "Сколкава" (біямедыцынскіх, інфармацыйных, энергаэфектыўных, касмічных і ядзерных тэхналогіях).
Перад удзельнікамі форуму выступіць сустаршыня КНС "Сколкава" лаўрэат Нобелеўскай прэміі Жарэс Алфёраў. Прадугледжаны пленарныя даклады і вусныя выступленні ў час правядзення круглых сталоў.
Пн | Аўт | Сер | Чцв | Пт | Сб | Нядз |
---|