Падзеі, факты, анонсы
На адкрыцці фестывалю Ю.Башмета ў Мінску К.Хабенскі будзе чытаць вершы
13 жніўня, Мінск /Ірэна Кацяловіч - БЕЛТА/. На адкрыцці VIII Міжнароднага фестывалю Юрыя Башмета, якое адбудзецца 2 кастрычніка ў Вялікай зале Беларускай дзяржаўнай філармоніі, народны артыст Расіі Канстанцін Хабенскі будзе чытаць вершы Уладзіміра Маякоўскага. Паэзія будзе суправаджацца ігрой камернага ансамбля "Салісты Масквы" пад кіраўніцтвам Юрыя Башмета, паведамілі БЕЛТА ў аргкамітэце фестывалю.
Увазе гледачоў у філармоніі будзе таксама прадстаўлена выстаўка лепшых карцін сучасных беларускіх мастакоў. У гэтым годзе арганізатары фестывалю абяцаюць шмат сюрпрызаў і незвычайных спалучэнняў розных відаў мастацтва, такіх, напрыклад, як ужо вядомыя праекты "Класіка сустракае джаз", "Класіка сустракае РОК!", "Музыка і Цырк".
Фестываль, які ўпершыню адбыўся ў 2006 годзе, праводзіцца пад патранажам беларускага Прэзідэнта і арыентаваны на аб'яднанне творчых сіл Беларусі, Расіі і іншых краін. Сюды штогод прыязджаюць выдатныя артысты сучаснасці. Дзякуючы фестывалю ў маладых таленавітых музыкантаў ёсць магчымасць выступіць на адной сцэне з сусветна вядомымі артыстамі.
Аўтарам ідэі фестывалю Башмета і яго мастацкім кіраўніком стаў беларускі піяніст, лаўрэат міжнародных конкурсаў, выпускнік Каралеўскай акадэміі музыкі Лондана Расціслаў Крымер. Пачэсны сустаршыня арганізацыйнага камітэта фестывалю - народны артыст Расіі, лаўрэат Дзяржаўнай прэміі СССР і Расіі Юрый Башмет.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
