2 лютага, Мінск /Уладзімір Мацвееў - БЕЛТА/. Міністэрства замежных спраў Беларусі заяўляе аб высокім узроўні гатоўнасці пагаднення з Літвой аб малым прыгранічным руху. Аб гэтым паведаміў на брыфінгу начальнік упраўлення інфармацыі - прэс-сакратар МЗС Андрэй Савіных, перадае карэспандэнт БЕЛТА.
"Мы можам гаварыць аб высокім узроўні гатоўнасці пагаднення з Літвой. Работа праводзіцца абодвума бакамі на ўзроўні зацікаўленых ведамстваў, мы чакаем, што гэты працэс будзе развівацца дастаткова аператыўна", - сказаў Андрэй Савіных.
Ён нагадаў, што 1 снежня пасля абмену ў Віцебску нотамі аб завяршэнні ўнутрыдзяржаўных працэдур уступіла ў сілу пагадненне паміж урадамі Беларусі і Латвіі аб спрошчаным парадку ўзаемных паездак грамадзян, якія пражываюць на прыгранічных тэрыторыях дзвюх краін. У бакоў пагаднення было два месяцы для складання і ўзгаднення спісаў жыхароў прыгранічных тэрыторый "Гэта работа была зроблена своечасова. Абмен спісамі адбыўся. З 1 лютага органы выдачы дазволаў (генконсульства Беларусі ў Даўгаўпілсе і консульства Латвіі ў Віцебску) пачалі прыём і разгляд заяў на выдачу дазволаў на прыгранічнае перамяшчэнне", - расказаў Андрэй Савіных.
Паводле яго слоў, пасля разгляду такіх хадайніцтваў, які ў адпаведнасці з пагадненнем ажыццяўляецца на працягу 20 дзён, будуць аформлены і выдадзены першыя дазволы. У той жа час праводзіцца работа па абнаўленню і ўдакладненню спісаў. Новымі іх рэдакцыямі бакі абмяняюцца да 1 красавіка бягучага года.
Пн | Аўт | Сер | Чцв | Пт | Сб | Нядз |
---|