Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

8 Jan 2014

Міжнародныя спаборніцтвы па канькабежным спорце на прызы Ігара Жалязоўскага пройдуць 11-12 студзеня

8 студзеня, Мінск /Кар. БЕЛТА/. На канькабежным стадыёне "Мінск-Арэны" 11-12 студзеня пройдуць міжнародныя спаборніцтвы па канькабежным спорце на прызы заслужанага майстра спорту СССР, беларускага прызёра Алімпійскіх гульняў Ігара Жалязоўскага, паведамілі БЕЛТА ў Беларускім саюзе канькабежцаў (БСК).

За ўзнагароды будуць спаборнічаць вядомыя ў мінулым спартсмены, у тым ліку тыя, хто выступаў у зборнай СССР. Для ўдзелу ў турніры падалі ўжо заяўкі больш за 50 чалавек з Беларусі, Казахстана, Расіі і Украіны.

Згодна з рэгламентам да ўдзелу ў стартах дапускаюцца спартсмены розных узроставых груп ад 10 да 70 гадоў і старэйшыя. Пераможцы вызначацца па суме спрынтарскага мнагабор'я (дыстанцыі 500 м і 1 000 м) у сваіх узроставых групах.

Ігар Жалязоўскі з'яўляўся адным з мацнейшых у свеце канькабежцаў-спрынтараў у 1980-90-я гады ХХ стагоддзя. Ён станавіўся бронзавым (1988) і сярэбраным (1994) прызёрам зімовых Алімпійскіх гульняў на дыстанцыі 1 000 м, а таксама шасціразовым чэмпіёнам свету па спрынтарскім мнагабор'і (1985, 1986, 1989, 1991-93) і ўладальнікам Кубка свету на дыстанцыі 1 000 м (1991-1993). У яго актыве пяць перамог на чэмпіянатах СССР па спрынтарскім мнагабор'і.

Міжнародныя спаборніцтвы сярод ветэранаў на прызы Ігара Жалязоўскага адбудуцца трэці раз. 11 студзеня забегі пройдуць з 10.00 да 12.00, 12 студзеня з 11.00 да 13.00.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі