5 верасня, Мінск /Кар. БЕЛТА/. Другі Міжнародны форум судзейскай супольнасці па пытаннях судовай абароны правоў пройдзе 27-28 верасня ў Мінску. Ён будзе прымеркаваны да 90-годдзя эканамічнага правасуддзя ў Беларусі. Аб гэтым карэспандэнту БЕЛТА паведамілі ў Вышэйшым гаспадарчым судзе.
Міжнародны форум будзе прысвечаны ўплыву сучасных тэхналогій на ажыццяўленне правасуддзя, развіццю судовай сістэмы ў напрамку спецыялізацыі судоў і суддзяў. У кангрэсе прымуць удзел вярхоўныя суды Аўстраліі, Аўстрыі, Азербайджана, Бельгіі, Бразіліі, В'етнама, Венесуэлы, Канады, Кітая і іншых краін.
Рэзалюцыю аб заснаванні і рэгулярным правядзенні форуму прынялі ў 2007 годзе ўдзельнікі міжнароднай канферэнцыі ў гонар 85-годдзя сістэмы эканамічнага правасуддзя. Першы шырокамаштабны форум судзейскай супольнасці прайшоў у 2010 годзе, сабраўшы ўдзельнікаў з больш як 20 краін свету. Прафесіяналаў розных краін аб'ядналі ідэі неабходнасці цесных сувязей, гатоўнасці да дыялогу і развіццю супрацоўніцтва на карысць правасуддзя і вяршэнства права. У Інтэрнэце ўжо запушчаны сайт, прысвечаны гэтаму форуму, - http://legalforum2012.by.
Пн | Аўт | Сер | Чцв | Пт | Сб | Нядз |
---|