Падзеі, факты, анонсы

Міжнародны эканамічны форум і выстаўка-кірмаш адкрыліся сёння ў Лідзе

29 чэрвеня, Гродна /Алена Стасюкевіч - БЕЛТА/. Міжнародны эканамічны форум і выстаўка-кірмаш "Ліда-рэгіён-2012" адкрыліся сёння ў Лідзе, паведамілі карэспандэнту БЕЛТА ў аддзеле эканомікі Лідскага райвыканкама.

Выстаўка і форум адбудуцца ў Лідзе 7-ы раз. Традыцыйна гэтымі днямі райцэнтр становіцца пляцоўкай для бізнес-сустрэч, правядзення перагавораў. У гэтым годзе прэзентацыя-выстаўка пройдзе ў пашыраным фармаце. Удзел у ёй акрамя вытворцаў Лідскага рэгіёну прымуць і арганізацыі суседніх рэгіёнаў Гродзеншчыны (прадпрыемствы Карэліцкага, Воранаўскага, Шчучынскага, Слонімскага, Іўеўскага, Дзятлаўскага, Навагрудскага раёнаў).

На працягу двух дзён свой эканамічны і інвестыцыйны патэнцыял на кірмашы і форуме ў Лідзе прадставяць 8 рэгіёнаў вобласці і больш за 100 прадпрыемстваў. Адбудзецца прэзентацыя інвестпраектаў, якія прапануюцца для рэалізацыі ў раёнах Гродзеншчыны.

Удзел у мерапрыемствах прымуць арганізацыі розных форм уласнасці, індывідуальныя прадпрымальнікі. У час работы форуму плануецца наведванне замежнымі дэлегацыямі і гасцямі прадпрыемстваў горада і раёна, пляцовак для будаўніцтва інвестыцыйных аб'ектаў, інвестыцыйна-кааперацыйная біржа.

У горадзе ў дні выстаўкі-кірмашу пройдзе культурна-забаўляльная праграма з удзелам зорак эстрады, спартыўнымі турнірамі, выстаўкамі, кірмашом майстроў народнага промыслу і рамёстваў.

Выстаўка-прэзентацыя і міжнародны эканамічны форум праводзяцца ў Лідзе з мэтай актывізацыі супрацоўніцтва паміж рэгіёнамі, гарадамі, суб'ектамі гаспадарання, нарошчвання экспартнага і інвестыцыйнага патэнцыялу, прэзентацыі інвестыцыйных праектаў, аказання садзейнічання ў іх рэалізацыі, заключэння дагавораў, стварэння сумесных прадпрыемстваў.

За 6 гадоў выстаўку і форум "Ліда-рэгіён" наведалі дэлегацыі з 25 краін, у тым ліку прадстаўнікі 18 дыппрадстаўніцтваў.

версія для друку

зрабіць стартавай

дабавіць у выбранае