Падзеі, факты, анонсы

4 верасня, Гомель /Алена Сафронава - БЕЛТА/. Міжнародная сустрэча калекцыянераў пройдзе ў Гомельскім гарадскім цэнтры культуры 7-8 верасня, паведамілі карэспандэнту БЕЛТА ў дырэкцыі ўстановы.

Такая сустрэча пройдзе ў Гомелі ўпершыню. У ёй прымуць удзел калекцыянеры Беларусі, Расіі, Украіны, Малдовы. Будуць прадстаўлены клубы Масквы, Кіева, Кішынёва і іншых гарадоў постсавецкай прасторы. Праграма сустрэчы прадугледжвае работу выставак калекцыйнага матэрыялу розных напрамкаў, абмен прадметамі калекцыяніравання, прэзентацыю міні-календароў і значкоў, выпушчаных напярэдадні, і шмат іншага.

Арганізатарамі сустрэчы выступілі Міжнародны саюз калекцыянераў і гомельскі гарадскі клуб "Юнона".