У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

3 Крс 2013

Міжнародная спецыялізаваная выстаўка "Белагра-2013" пройдзе з 4 па 9 чэрвеня

3 красавіка, Мінск /Кар. БЕЛТА/. Міжнародная спецыялізаваная выстаўка "Белагра-2013" пройдзе з 4 па 9 чэрвеня, паведамілі БЕЛТА ў Міністэрстве сельскай гаспадаркі і харчавання.

Экспазіцыя традыцыйна будзе арганізавана на дзвюх пляцоўках: дэманстрацыйным полі ААТ "Гастэлаўскае" Мінскага раёна і Футбольным манежы (Мінск, праспект Пераможцаў, 20/2). Для зручнасці наведвальнікаў выстаўка ў Футбольным манежы пройдзе з 4 па 7 чэрвеня (з аўторка па пятніцу), у "Гастэлаўскім" - з 5 па 9 чэрвеня (з серады па нядзелю).

На адкрытай пляцоўцы ААТ "Гастэлаўскае" будуць прадстаўлены дасягненні сучаснага сельгасмашынабудавання, селекцыі сельскагаспадарчых культур і племянной жывёлагадоўлі, апошнія навуковыя распрацоўкі ў сферы механізацыі сельскай гаспадаркі, земляробства, бульбаводства і плодаагародніцтва, будзе паказана работа тэхнікі ў полі. У бягучым годзе выстаўку дапоўняць раздзелам "Белферма".

Выстаўка ў Футбольным манежы пройдзе ў новым фармаце. Тут будзе шырока дэманстравацца прадукцыя прадпрыемстваў перапрацоўчай прамысловасці і сучаснае абсталяванне вядучых сусветных вытворцаў. У час аграпрамысловага тыдня запланавана правядзенне вялікай колькасці семінараў, канферэнцый, конкурсаў.

Як адзначыў першы намеснік міністра сельскай гаспадаркі і харчавання Леанід Марыніч на праведзеным сёння першым пасяджэнні аргкамітэта па падрыхтоўцы і правядзенню выстаўкі, "Белагра" мае высокую значнасць для аграрыяў краіны як пляцоўка для дэманстрацыі апошніх дасягненняў галіны, азнаямлення з інавацыйнымі прадуктамі і тэхналогіямі, абмену вопытам і пошуку новых партнёраў.

"Белагра" - адна з буйнейшых выставак у Беларусі. У 2012 годзе ў ёй прынялі ўдзел больш як 400 кампаній з 19 краін. Выстаўку наведалі прадстаўнікі аграрных ведамстваў больш як 30 краін і рэгіёнаў блізкага і далёкага замежжа, у тым ліку кіраўнікі аграпрамысловых ведамстваў Азербайджана, Арменіі, Грузіі, Казахстана, Латвіі, Літвы, Малдовы, Польшчы, Украіны, Расійскай Федэрацыі, больш як 50 тыс. спецыялістаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску