У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Ліс 2013

Музей тэхнікі пачынаюць будаваць каля Гродна

11 лістапада, Гродна /Таццяна Вішнеўская -БЕЛТА/. Будаўніцтва музея тэхнікі пачалося каля Гродна. Аб гэтым карэспандэнту БЕЛТА паведаміў першы намеснік начальніка галоўнага ўпраўлення ідэалагічнай работы, культуры і па справах моладзі Гродзенскага аблвыканкама Аляксандр Вярсоцкі.

Паводле яго слоў, музейны комплекс плошчай 22 га ствараецца як філіял Гродзенскага дзяржаўнага гісторыка-археалагічнага музея.

Ужо выкананы архітэктурны праект, які прадугледжвае ўзвядзенне адміністрацыйнага корпуса будучага музея, добраўпарадкаванне адкрытых экспазіцыйных пляцовак для буйнагабарытнай тэхнікі, парковак, навесаў для экспанавання малых прадметаў. У адміністрацыйным будынку размесцяцца касы, зона адпачынку. Корпус будзе абсталяваны ў адпаведнасці з патрабаваннямі безбар'ернага асяроддзя.

У музеі плануецца размясціць тэхніку, якая выкарыстоўвалася раней у розных галінах народнай гаспадаркі, у тым ліку рарытэтную: сельскагаспадарчыя і іншыя машыны, плугі, сячкарні, сеялкі, трактары, камбайны, магчыма, і гусенічныя, аўтамабілі з паўвекавой гісторыяй. Таксама прымаюцца транспартныя павозкі, конныя касілкі, малатарні і іншыя віды старой тэхнікі, абсталявання. Цяпер прадаўжаецца збор экспанатаў.

Музей будзе размяшчацца непасрэдна каля агратурыстычнага комплексу "Гарадзенскі маёнтак "Каробчыцы" і гарналыжнай трасы, якая будуецца.

Праект па будаўніцтву фінансуецца з мясцовага бюджэту, ужо асвоена больш як Br1 млрд.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс