Падзеі, факты, анонсы
Мінскі кінатэатр "Беларусь" 16-17 жніўня правядзе ўсяночную
7 жніўня, Мінск /Кар. БЕЛТА/. Першы ў краіне мультыплекс "Беларусь" арганізуе для кінаманаў усяночную. Шоу "Ноч кіно", якое стала ў Мінску добрай традыцыяй, пройдзе ў шматзальным кінатэатры 16-17 жніўня, паведамілі БЕЛТА ва УП "Кінавідэапракат" Мінгарвыканкама.
У праграме - навінкі 2013-га. Гледачы ўбачаць самы паспяховы анімацыйны праект года - сіквел "Гадкі Я 2" пра геніяльнага Гру, яго трох прыёмных дачок і забаўных памочнікаў міньёнаў, камедыю "Мы - Мілеры" пра няўдачлівага наркадылера і трылер "Паранойя" аб супрацьстаянні тэлекамунікацыйных карпарацый.
Акрамя начных праглядаў наведвальнікаў чакае выступленне кавер-бэнда, конкурсы, розыгрышы прызоў і падарачных сертыфікатаў, прафесіянальныя фотасесіі. Пачатак праграмы ў 23.00. Кошт кінасеанса на ўсю ноч - ад
Br200 тыс.Начныя кінапрагляды практыкаваліся ў Мінску і раней. Так, у 2002 годзе летам можна было схадзіць на фільм у 22.40. У 2006 годзе эксперыментальны праект рэалізаваў кінатэатр "Цэнтральны" - тут паказы пачыналіся ў
1.00, 3.00 і 5.00. Пасля апоўначы дэманстраваліся фільмы з асноўнага рэпертуару. У гэтым годзе арганізатары пайшлі далей - прапанавалі мінчанам правесці ў кіназалах усю ноч па адным білеце. У чэрвені "Ноч кіно" праводзіў кінатэатр "Мір", у ліпені паказ быў арганізаваны ў Доме кіно.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
