Падзеі, факты, анонсы

Мінск 9-10 лютага стане цэнтрам гістарычных сярэдневяковых баёў

7 лютага, Мінск /Кар. БЕЛТА/. Міжнародны турнір па гістарычнаму сярэдневяковаму бою "Кубак выкліку" пройдзе ў Мінскім дзяржаўным палацы дзяцей і моладзі 9-10 лютага, перадае карэспандэнт БЕЛТА.

Іскры сталі, трэск шчытоў і бляск мячоў - спаборніцтвы збяруць амаль сотню ўдзельнікаў з Беларусі, Расіі, Украіны, Латвіі, Ізраіля і іншых краін.

Галоўнае адрозненне турніру "Кубак выкліку" ад мноства праводзімых такіх фестываляў - высокі ўзровень удзельнікаў. Запрашаюцца толькі каманды, якія ўжо зарэкамендавалі сябе, - лідары гістарычных баёў у сваіх краінах і рэгіёнах.

Сапернікі сыдуцца ў адзіночных бітвах, кожная з якіх складаецца з трох раўндаў па тры мінуты, а таксама ў самым відовішчным відзе праграмы - баях фармату 5x5, у якіх удзельнічаюць дзе каманды па пяць чалавек. Таксама запланаваны масавыя схваткі і Юніёрскі турнір па спатыўнаму мячу.

Гістарычны сярэдневяковы бой - новы від спорту, які дынамічна развіваецца і знайшоў аднадумцаў у больш як 30 краінах свету на чатырох кантынентах. У ім выкарыстоўваюцца прадметы гістарычнай рэканструкцыі абароннага і наступальнага ўзбраення эпохі сярэдневякоўя, спецыяльна вырабленыя і прыстасаваныя для поўнакантактнай схваткі. Бой можа ўключаць у сябе намінацыі з рознымі тактычнымі ўмовамі і рознай колькасцю ўдзельнікаў.

У гэтым годзе рыцарскія баталіі ў Мінску пройдуць трэці раз.

версія для друку

зрабіць стартавай

дабавіць у выбранае