Падзеі, факты, анонсы
Лячэбныя лялькі з травы навучаць рабіць гасцей фестывалю "Зялёныя святкі" ў Магілёве
27 мая, Магілёў /Сяргей Кулягін - БЕЛТА/. Фестываль традыцыйнай культуры "Зялёныя святкі", прысвечаны святу Сёмухі, пройдзе 1 чэрвеня ў Магілёўскім этнаграфічным комплексе народных промыслаў у Зялёным гаі. Аб гэтым карэспандэнту БЕЛТА паведамілі ў галоўным упраўленні ідэалогіі, культуры і па справах моладзі аблвыканкама.
Госці свята змогуць убачыць і паўдзельнічаць у традыцыйным абрадзе Сёмухі, паслухаць і паспяваць вясеннія народныя песні, а таксама прадэгуставаць стравы нацыянальнай кухні. Адной з адметнасцей фестывалю стануць шматлікія майстар-класы народных умельцаў і майстроў па шапавальстве, ганчарстве, саломапляценні, ткацтве паясоў, вышыўцы, вязанні, беларускіх народных танцах і г.д.
Спецыяльна для дзяцей будзе працаваць творчая пляцоўка, дзе іх пазнаёмяць з традыцыйнымі славянскімі гульнямі і забавамі, а рамеснікі навучаць усіх жадаючых рабіць лячэбныя лялькі з травы. Канцэртную праграму для самых маленькіх прадставяць музычныя калектывы
"Калыханка" (Мінск) і "Верабейкi" (Любань, Мінская вобласць).Фіналам мерапрыемства стане постфальклорны канцэрт, дзе госці пачуюць песні ў выкананні вядомых музычных калектываў Беларусі : "Паўночная Сухадроўка" (Віцебск), "Глейна" (Гарадок), "Рутвіца", "Горынь" (Мінск) і іншых.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
